کوئٹہ :کان میں پھنسے 9 کان کن جاں بحق، دیگر کان کنوں کو بچانے کے لیے کوششیں جاری

لاہور: بلوچستان کے علاقے ڈیگاری میں کوئلے کی کان میں پھنسے9 کان کن جاں بحق ہو گئے جبکہ ایک کو زندہ بچالیا گیا، اس درمیان مزید کان کنوں کو بچانے کی کوشش جاری ہے۔جس کے لیے ہنگامی طور پر کوششیں کی جارہی ہیں.

ذرائع کے مطابق صوبائی ڈیزاسٹرمنیجمنٹ کے ڈائریکٹر جنرل کا کہنا ہے کہ کوئلے کی کان میں پھنسے کان کنوں کو بچانے کے لئے امدادی کارروائیاں، کی جا جارہی ہیں اور مزدوروں کی تلاش کے لئے گذشتہ اڑتالیس گھنٹے سے زائد عرصے سے آپریشن جاری ہے۔

کان میں پیش آنے والے حادثے پر مزدوروں اور کان کنوں نے انتظامیہ کے خلاف احتجاج کیا اور اس حادثے کے میں ملوث افراد کے خلاف کارروائی کا بھی مطالبہ کیا- دو روز قبل پاکستان کے صوبہ بلوچستان کے علاقے ڈیگاری میں کان میں زہریلی گیس بھر جانے سے کان کنو ہزاروں فٹ گہری کان میں پھنس گئے تھے۔

یاد رہے کہ پاکستان میں پچھلے 9 سالوں میں 5سوسے زائد کان کن ہلاک ہوگئے ہیں.ان کانوں میں مزدوری کرنے والے کان کنوں کی زندگیوں‌کو ہروقت شدید خطرات کا سامنا ہوتا ہے .اطلاعات کے مطابق 6 ماہ کے دوران بلوچستان میں کانوںکان کنی کے دوران 33 حادثات ہوئے جن میں کام کرنےوالے 47 کان کن ہلاک ہوگئے