سپیکر قومی اسمبلی اسد قیصر سے افغان ولسی جرگہ کے اسپیکر کی ملاقات
باغی ٹی وی : سپیکر قومی اسمبلی اسد قیصر سے افغان ولسی جرگہ کے اسپیکر میر رحمان رحمانی کی افغان پارلیمانی وفد کے ہمراہ ملاقات کی ، ملاقات میں دوطرفہ پارلیمانی و ملکی تعلقات باہمی تجارت اور خطے کی معاشی صورتحال پر تبادلہ خیال کیا
اسپیکر قومی اسمبلی نے کہا کہ پاکستان اور افغانستان کے مابین مستحکم تعلقات علاقائی امن و استحکام کے لیے ناگزیر ہیں۔پاکستان افغانستان کے ساتھ اپنے تاریخی دوستانہ اور برادرانہ تعلقات کو بڑی اہمیت دیتا ہے ،
پرامن اور خوشحال افغانستان نہ صرف افغان عوام بلکہ پورے خطے کے امن و خوشحالی کے لیے ضروری ہے، ایک پرامن اور خوشحال افغانستان کا خواب جلد پورا ہونے جا رہا ہے، دونوں ممالک کے مابین پارلیمانی رابطوں میں اضافے سے دو طرفہ تعلقات مستحکم ہونگے، پاکستان ایک پرامن اور مستحکم افغانستان دیکھنے کا خواہشمند ہے،
پاکستان افغانستان میں امن کے قیام کے لیے جاری مذاکرات کی مکمل حمایت کرتا ہے اور ایک سہولت کار کا کردار ادا کر رہا ہے،افغانستان کے پارلیمانی وفد کا حالیہ دورے دو طرفہ پارلیمانی تعلقات کو فروغ حاصل ہوگا اور دوطرفہ تعاون میں اضافے کے لیے اہم سنگ میل ثابت ہوگا،
افغان اسپیکر میر رحمنٰ رحمانی دونوں برادر ہمسایہ ممالک میں تجارتی اور معاشی تعاون کو فروغ دینا ضروری ہے، دوطرفہ تعلقات کو مستحکم بنانے اور باہمی تجارت میں اضافے خصوصاً افغان ٹرانزٹ ٹریڈ میں حائل رکاوٹوں کو دور کرنے کے لیے اسپیکر قومی اسمبلی کی کاوشیں قابل تحسین ہیں،
افغانستان پاکستان کے ساتھ اپنے برادرانہ تعلقات کو قدر کی نگاہ سے دیکھتا ہے اور انہیں مزید مستحکم بنانے کا خواہاں ہے، خطے میں امن کے قیام کے لیے پاکستان کا کردار قابل ستائش ہے،
دونوں ممالک اپنی جغرافیائی اہمیت کو بروئے کار لاکر معاشی استحکام حاصل کرسکتے ہیں۔افغانستان میں سرمایہ کاری اور تجارت کے وسیع مواقع موجود ہیں جن سے پاکستان کے سرمایہ کار مستفید ہوسکتے ہیں،
مہمان اسپیکر نے پارلیمنٹ ہاوس آمد پر افغان پارلیمانی وفد کے پرتپاک استقبال پر اسپیکر کا شکریہ ادا کیا۔
مہمان اسپیکر نے قومی اسمبلی میں رکھی مہمانوں کی کتاب میں اپنے تاثرات بھی قلم بند کیے۔
