ڈی پی او ننکانہ اسماعیل کھاڑک کی ہدایت پر جرائم پیشہ افراد کے خلاف کریک ڈاؤن جاری

ننکانہ صاحب( رپورٹ بائے عبدالرحمان یوسف) ڈی پی او ننکانہ اسماعیل کھاڑک کی ہدایت پر جرائم پیشہ افراد کے خلاف کریک ڈاؤن جاری۔ CIA پولیس ننکانہ کی انسپکٹر سجاد اکبر کی سربراہی میں بڑی کاروائی۔ ڈکیتی اور راہزنی کے مقدمات میں ملوث سرگرم 2 خطرناک ملزمان گرفتار۔ ملزمان مدثر اور طارق عرف مٹھو اوڈھ کے خلاف تھانہ واربرٹن میں راہزنی کے مقدمات درج ہیں۔ ملزمان کو جدید ٹیکنالوجی اور پیشہ وارانہ مہارت کی بدولت گرفتار کیا گیا۔ملزمان سے مزید تفتیش جاری۔
دریں اثناء CIA پولیس نے بھینس چوری کے مقدمہ میں ملوث ملزمان کو گرفتار کر لیا۔ ملزمان کے قبضہ سے بھینس کی فروختگی رقم برآمد۔انچارج CIA انسپکٹر سجاد اکبر نے ملزمان سے ریکور ہونے والی رقم 50,000 روپے مدعی مقدمہ ذاکر کے حوالے کردیے۔ ڈی پی او کی طرف سے انچارج CIA انسپکٹر سجاد اکبر اور ہمراہی ٹیم کو نقد انعام اور سرٹیفیکیٹ دینے کا اعلان۔
ڈی پی او ننکانہ کا کہنا ہے کہ ضلعی پولیس عوامی جان و مال کے تحفظ کو یقینی بنانے کے لیے دن رات مصروف عمل ہے۔ جرائم پیشہ افراد کا خاتمہ ہر ممکنہ قربانی سے یقینی بنایا جائے گا۔ان کا مزید کہنا تھا کہ جرائم پیشہ افراد کے خلاف کریک ڈاؤن بلا امتیاز جاری رہے گا۔
ترجمان ننکانہ پولیس