یہ نامِ محمد صلی اللّٰہ علیہ وسلم بقلم:جویریہ بتول

یہ نامِ محمد(صلی اللّٰہ علیہ وسلم)…!!!
(بقلم:جویریہ بتول)۔
ہمارے لیئے تو کافی ہے بس بات آپ کی…
ہماری چاہتوں کا مدعا ہے ذات آپ کی…
ہمارے سفر کی ہر روشنی آپ کے نام سے ہے…
ہماری فلاح تو آپ کے لائے نظام سے ہے…
ہمارے شکستہ دلوں کا سکوں آپ کے ذکر میں ہے…
ہمارا جینا اُمَّت میں آپ کی،ہمارے فخر میں ہے…
آرامِ جاں ہمارا اس نام کی بدولت ہے…
کرےجو توہین اس کی سدا اس سے عداوت ہے…
دشمن آپ کا ہر دور میں بے نام ہی رہے گا…
ذلتوں سے دوچار وہ ہر گام ہی رہے گا…
یہ نام تو روشنی ہے،اسے روکو گے کہاں تک؟
کرے گی پیچھا تمہارا تم پہنچو گے جہاں تک…
رب کی پکڑ کا کوڑا برسے گا ہر گستاخ پر…
یہ وعدۂ ربی ہے، ہو گا پورا ہر نفاق پر…
تمہاری سیاہ کاریوں سے پردہ اُٹھتا ہی رہے گا…
یہ نامِ محمد تا قیامت اُبھرتا ہی رہے گا…!!!!