پاکستانی قومی کرکٹر وسیم اکرم کی اہلیہ اور سماجی کارکن شنیرا اکرم نے مغربی تہوار ’ہیلووئین‘ مناتے ہوئے اپنی بیٹی عائلہ اکرم کو ایک نیا روپ دے دیا۔
باغی ٹی وی : شنیرا اکرم معاشرتی مسائل پر اپنی آواز بُلند کرنے والی اور سماجی کاموں میں ہمیشہ سب سے آگے رہنے کے حوالے سے جانی جاتی ہیں اور سوشل میڈیا پر بھی کافی متحرک رہتی ہیں یہی وجہ ہے کہ سوشل میڈیا پر ن کو ایک بڑی تعداد فالو کرتی ہے-
شنیرا اکرم نے مغربی تہوار ہیولوئین کے موقع پ سوشل میڈیا ویب سائٹ انسٹاگرام پر اپنی بیٹی عائلہ اکرم کی ایک تصویر پوسٹ کی ہے جس میں شنیرا نے عائلہ کو ہیولوئین کی مناسبت سے روپ دیا ہے۔
انسٹاگرام پر پوسٹ کی گئی تصویر میں دیکھا جاسکتا ہے کہ عائلہ نے تہوار کی مناسبت سے سیاہ رنگ کی فراک زیب تن کی ہوئی جبکہ ایک آنکھ پر سُرخ رنگ سے دل بھی بنایا ہوا ہے اور ہاتھ میں بھوت والی خوفناک نظر آتی چھڑی بھی تھامی ہوئی ہے۔
شنیرا نے عائلہ سے محبت کا اظہار کرتے ہوئے کیپشن میں لکھا کہ یہ ہمارے دلوں کی چھوٹی سی رانی ہے۔
عائلہ کی خوبصورت تصاویر دیکھ کر پاکستانی اداکارہ و تمغہ امتیاز مہوش حیات نے بھی پوسٹ پر ردعمل دیتے ہوئے کمنٹ میں اظہار محبت والے ایموجیز بھیجے۔
واضح رہے کہ ہیلووین ایک مغربی تہوار ہے جو مختلف ممالک میں 31 اکتوبر کو منایا جاتا ہے، اِس رات اندھیرا چھانے پر بچے اور بڑے خوفناک قسم کے ملبوسات پہن کر دوسروں کو ڈرانے کے لیے گھروں سے باہر نکل آتے ہیں-
