جنسی ہراسانی کیس میں گرفتاربھارتی اداکار وجے راز کو ضمانت پر رہا کر دیا گیا-
باغی ٹی وی : بھارتی خبر رساں ادارے کے مطابق مہارشٹرا کی پولیس نے بالی ووڈ اداکار وجے راز کو 2 نومبر کو عملے کے ایک خاتون رکن کی بدتمیزی کرنے کے الزام میں گرفتار کیا گیا تھا۔ نیوز ایجنسی اے این آئی نے ٹویٹر پر بھی اسی بات کی تصدیق کی تھی کہ اداکار وجے راز کو گذشتہ روز گوندیا سے ایک خاتون عملے کی رکن سے بدتمیزی کرنے کے الزام میں گرفتار کیا گیا تھااور اب عدالت میں پیشی سے قبل ہی اُنہیں ضمانت پر بھی رہا کردیا گیا۔
اس کے بارے میں ایڈیشنل ایس پی اٹل کلکرنی گوندیا کا کہنا تھا کہ خاتون کی شکایت کے بعد اداکار کے خلاف مقدمہ درج کیا گیا اور جب انہیں تفتیش کے لیے طلب کیا گیا تو وہ پیش نہ ہوئے۔
پولیس حکام کے مطابق وی جے راز کے خلاف ساتھی اداکارہ نے درخواست دائر کی جس میں انہو ں نے مؤقف اختیار کیا کہ مدھیا پردیش میں فلم ’شیرنی‘ کی شوٹنگ کے دوران اداکار نے چھیڑ چھاڑ کی۔
بھارتی میڈیا رپورٹ کے مطابق وی جے راز پچاس سے زائد بالی وڈ فلموں میں کام کرچکے ہیں۔ انہوں نے ’ویلکم دہلی بیلی، دید عشقیہ، ممبئی ایکسپریس، بمبئی ٹو گوا اور مون سون ویڈنگ جیسی نامور فلموں میں کام کیا۔
