کرونا کی دوسری لہر ،وزیراعظم عمران خان کا جلسہ منسوخ کر دیا گیا

کرونا کی دوسری لہر ،وزیراعظم عمران خان کا جلسہ منسوخ کر دیا گیا

باغی ٹی وی کی رپورٹ کے مطابق وفاقی وزیر ریلوے شیخ رشید احمد نے کہا ہے کہ مجھے امید نہیں کہ اپوزیشن اپنے جلسے ملتوی کرے گی

شیخ رشید احمد کا کہنا تھا کہ وزیراعظم کا رشکئی میں جلسہ منسوخ کردیا گیا ہے،کورونا کے باعث پی ٹی آئی کوئی جلسے نہیں کرےگی ،اپوزیشن کو کورونا یا عوام کی صحت سے کوئی غرض نہیں،لوگوں کو خود اپنی صحت کا خیال رکھنا چاہیے،اپوزیشن کے جلسے دسمبر تک شیڈول ہیں جو جاری رہیں گے

واضح رہے کہ وزیراعظم عمران خان نے 21 نومبر کو "رشکئی اکنامک زون” کا افتتاح کرنا تھا، اس منصوبے کی بدولت2 لاکھ سے زائد نوکریاں پیدا ہوں گی،تا ہم اب جلسہ منسوخ کر دیا گیا ہے

قبل ازیں کورونا کیسز میں اضافے کے باعث این سی ای سی نے دربار، سینما اور تھیٹرز فوری طور پر بند کرنے کا فیصلہ کرلیا۔ عوامی اجتماعات پر پابندی کی بھی سفارش کی گئی، 500 سے زیادہ افراد جمع نہیں ہو سکیں گے۔

پاکستان میں کرونا کی دوسری لہر جاری ہے، گزشتہ 24 گھنٹوں میں 21 اموات ہوئی ہیں جبکہ 1708 نئے مریض سامنے آئے ہیں