چئیرمین سینیٹ قائمہ کمیٹی داخلہ سینیٹر رحمان ملک کا نو منتخب امریکی صدر جو بائڈن کو خط ۔سینیٹر رحمان ملک نے اپنے خط میں جو بائڈن کو صدر منتخب ہونے پر مبارکباد اور نیک خواہشات کا اظہار کیا ہے، سابقہ تجربے کی بنیاد پر مجھے یقین ہے کہ آپ دنیا کے امن و اماں کیلئے کلیدی کردار ادا کرینگے، پاکستان امریکہ دوستی کئی دہائیوں پر محیط ہے اور پاکستان نے ہمیشہ امریکہ کا ساتھ دیا ہے،
سینیٹر رحمان ملک نے مزید کہا کہ پاکستان نے سرد جنگ اور دھشتگردی کیخلاف جنگ میں امریکہ کا بھرپور تعاون کیا، افغان جنگ نے پاکستان کو نہ صرف دھشتگردی سے ہمکنار کیا بلکہ لاکھوں مہاجرین کا بوجھ بھی سر پڑا، دھشتگردی کیخلاف پاکستان کی قربانیاں دنیا کے ہر ملک سے زیادہ ہیں،
بھارت نے پہلے سوویت یونین کا ساتھ دیا اور بعد میں دھشتگردی کیخلاف جنگ میں کوئی کردار ادا نہیں کیا،بھارتی وزیراعظم مودی پراکسی وارز کے ذریعے علاقائی امن خراب کر رہا ہے، بھارت داعش و دیگر دھشتگرد تنظیموں کی پشت پناہی کر رہا ہے،
مودی کا وزیراعظم ہوتے ہوئے حطے میں امن و اماں ممکن نہیں ہے، داعش اور آر ایس ایس کے گٹھ جوڑ سے داعش کی تخریب کاریوں میں اضافہ ہوا ہے،اگر بروقت نہ روکا گیا تو مودی جلد دنیا کو تیسری جنگ عظیم کیطرف دھکیل دیگا،بھارت افغان امن عمل کو مسلل ثبوتاز کرنے کے کوشش کررہا ہے،بھارت کو افغان امن عمل کو برباد کرنے سے روکا جائے،وزیر اعظم مودی آر ایس ایس کے ذریعے ہیدوتوا نظریات کی پوری طرح سے ترویج کررہا ہے، بھارتی وزیراعظم مودی مشہور دھشتگرد ہے جسکا نام دنیا کے ٹاپ دس دھشتگردوں میں ہے، بیگناہ مسلمانوں کے قتل عام کیوجہ سے مودی امریکہ کے بلیک لسٹ میں تھا جسکو بحال کیا جائے،امریکہ پاکستان کے خلاف ایف اے ٹی ایف سے اپنی شکایت واپس لے جس میں سارے الزامات بےبنیاد ہے،
ایف اے ٹی ایف کے گرے لسٹ میں ہونے کیوجہ سے ہماری معیشت کو بری طرح متاثر ہوا ہے، سی پیک کے حوالے سے بھارت برخلاف حقیقت امریکہ کو گمراہ کررہا ہے،
