او آئی سی کا نیا سیکریٹری جنرل منتخب ، کس ملک سے تعلق
باغی ٹی وی رپورٹ کے مطابق:اوآئی سی رکن ممالک کے وزرائے خارجہ کونسل کے اجلاس نے سیکرٹری جنرل ڈاکٹر یوسف العیثمین کی مدت تعیناتی ختم ہونے کے بعد حسین محمود طحہ کو تنظیم کا آئندہ سیکرٹری جنرل منتخب کرلیا۔ حسین طحہ متعدد ممالک میں جمہوریہ چاڈ کے سفیر، وزیر خارجہ امور اور جمہوریہ چاڈ کے ایوان صدر کے نائب سیکرٹری جنرل کے فرائض انجام دیتے رہے ہیں۔او ائی سی کا اگلا اجلاس پاکستان میں ہوگا.
ادھر سفارتی محاذ پر بھارت کو ایک اور سبکی اور پاکستان کو ایک اور کامیابی حاصل ہوئی ہے اور او آئی سی نے مقبوضہ کشمیر میں بھارتی مظالم کے خلاف قرارداد متفقہ طور پر منظور کرلی ہے۔بھارتی پروپیگنڈا ایک بار ناکام ہوگیا ہے اور او آئی سی وزرائے خارجہ اجلاس میں مسئلہ کشمیر پر پاکستان کی قرار داد منظور کی گئی۔
او آئی سی میں پیش کردہ قرارداد میں کہا گیا کہ بھارت مقبوضہ کشمیر میں آبادی کا تناسب تبدیل کرنا چاہتا ہے۔ پانچ اگست کے اقدام سے تنازع کشمیر کے جلد حل کی اہمیت بڑھ گئی۔پاکستان نے کہا ہے کہ عالمی برادری صورتحال کی نگرانی کرے۔ قرارداد میں بھارت کے جارحانہ رویے اور ایل اوسی پر اشتعال انگیزیوں کی شدید مذمت کی۔
دنیا بھر میں بڑھتے ہوئے اسلامی فوبیا کے خلاف بھی پاکستان نے آواز اٹھائی۔ مسلم ممالک کے سے سے بڑے فورم نے پاکستان کی قرارداد متفقہ طور پر منظور کرلی۔وزرائے خارجہ کونسل نے اسلامو فوبیا کے تدارک اور بین المذاہب ہم آہنگی کے فروغ کیلئے عالمی ڈائیلاگ پر زور دیا۔
اوآئی سی وزرائے خارجہ کونسل نے اسلاموفوبیا پر تشویش کا اظہار کیا اور کہا کہ اسلاموفوبیا عصر حاضر میں نسل پرستی اور مذہبی بنیادوں پر تعصب کی شکل بن گئی ہے۔قرارداد میں کہا گیا ہے کہ مذہبی عدم برداشت اور مسلمانوں کے خلاف منفی بیان بازی اسلاموفوبیا کی لہر میں شدت کے ثبوت ہیں۔
