وزیراعظم عمران خان آئی ایس آئی ہیڈ کوارٹرکے مہمان خصوصی،ملکی صورتحال پربریفنگ

اسلام آباد :وزیراعظم عمران خان آئی ایس آئی ہیڈ کوارٹرکے مہمان خصوصی،ملکی صورتحال پربریفنگ ،اطلاعات کے مطابق آج وزیر اعظم عمران خان نے آئی ایس
آئی ہیڈ کوارٹرز کا دورہ کیا ،یہ دورہ انتہائی اہمیت کا حامل بتایا جارہا ہے ،

ڈائریکٹر جنرل آئی ایس آئی لیفٹیننٹ جنرل فیض حمید نے ڈائریکٹوریٹ جنرل آئی ایس آئی میں شرکاء کا استقبال کیا۔اجلاس میں اعلیٰ قومی اور عسکری قیادت کو علاقائی اور ملکی صورتحال پر تفصیل سے آگاہ کیا گیا۔

وزیراعظم نے قومی سلامتی کو درپیش چیلینجز کے خلاف آئی ایس آئی کی پیشہ ورانہ صلاحیتوں کو سراہا،وزیراعظم عمران خان نے قوم کے ان سپوتوں کو سلام عقیدت ومحبت سے یاد کیا

واضح رہے کہ آج وزیراعظم نے وزیر خارجہ شاہ محمود قریشی، وزیر منصوبہ بندی اسد عمر، چیئرمین جوائنٹ چیفس آف سٹاف کمیٹی جنرل ندیم رضا، چیف آف آرمی سٹاف جنرل قمر جاوید باجوہ، چیف آف ائیر سٹاف ائیر چیف مارشل مجاہد انور خان، چیف آف نیول سٹاف ایڈمرل محمد امجد خان نیازی، چیف آف جنرل سٹاف لیفٹیننٹ جنرل ساحر شمشاد مرزا کے ہمراہ ہیڈکوارٹرز آئی ایس آئی کا دورہ کیا۔