لاہور:کرونا کے بڑھتے ہوئے حملے:سمارٹ لاک کا زمانہ پھرشروع:تفصیلات جاری ،اطلاعات کے مطابق ملک میں کرونا وائرس کے بڑھتے ہوئے حملوں کے بعد اب پھر سے لاک ڈاون کی حکمت عملی اپنانے پرغورکیا جارہا ہے ،یہ لاک ڈاون کہاں لگایا جارہا ہے اس کے لیے زیادہ کورونا ٹیسٹ مثبت آنے والوں علاقوںکی فہرست جاری کردی گئی ہے
ذرائع کے مطابق سیکرٹری پرائمری اینڈ سیکنڈری ہیلتھ کیئر کی طرف سے تفصیلات جاری کرتے ہوئے کہا گیا ہے کہ لاہور کے 26علاقوں،راولپنڈی کے 15،ملتان کے7،لیہ کے 5،سرگودھا کے4،گوجرانوالہ کے 3،فیصل آباد کے4،ٹوبہ ٹیک سنگھ کے 3 اورمیانوالی کے2علاقوں میں سمارٹ لاک ڈاؤن لگا دیا گیا۔
سیکرٹری پرائمری اینڈ سیکنڈری ہیلتھ کیئرکی طرف سے کہا گیا ہے کہ واپڈا ٹاؤن لاہور،بحریہ ٹاؤن میں اغوری بلاک،عمر بلاک،شاہین بلاک،سفاری بلاک،گل بہار بلاک،گل مہر بلاک،بابر بلاک،اورسیز بلاک عسکری 10میں سیکٹرC&Dکو بند کر دیا گیا ہے ، ادھر لاہور میں DHAفیز3 میں X,Y,Z, فیز5میں سیکٹرA&Gفیز6 میں سیکٹرD, کیولری گراونڈمیں گلی نمبر7 اور8 میں لاک ڈاون لگایا جارہا ہے۔
سیکرٹری پرائمری اینڈ سیکنڈری ہیلتھ کیئر کی طرف سے مزید تفصیلات جاری کرتے ہوئے بتایا گیا ہے کہ پنجا ب کوآپریٹیوہاؤسنگ سوسائٹی میں بلاک C,D،عسکری 15،طارق بلاک گارڈن ٹاؤن،ماڈل ٹاؤن اور فتح گڑھ کے علاقوں میں سمارٹ لاک ڈاؤن لگا دیا گیا۔
لاہور کے علاوہ گوجرانوالہ میں پیپلز کالونی کے بلاک Xاور بلاک Yکو بند کر دیا گیا جبکہ لیہ میں اسلم موڑ،محلہ شیخ والا،ایمپلائی کالونی،احمد لرننگ سکول سٹریٹِ219چک نوکاکڑ اورچوک339ٹی ڈے اے کوبند کیا جائے گا۔
سیکرٹری پرائمری اینڈ سیکنڈری ہیلتھ کیئر ذرائع کا کہنا ہےکہ میانوالی میں محلہ سادات پکی شاہ مردان جبکہ فیصل آباد میں محلہ کوہ نور،مدینہ ٹاؤن،پیپلزکالونی نمبر2اور بلاک 8سٹی ہاؤسنگ سوسائٹی کوبند کیاگیاہے
جبکہ ضلع ٹوبہ ٹیک سنگھ میں محلہ اسلام نگر،محلہ شاہ حسین،محلہ چھار، سرگودھا میں سٹریٹ6 بلاکX سیٹلائٹ ٹاؤن،مقام حیات کالونی اور بلاک اے سلطان کالونی شامل ہیں۔
کرونا کے بڑھتے ہوئے کیسز کوکنٹرول کرنے کےلیے راولپنڈی میں برکی جدید،جرموتی کالان،دریالاکاکھی،محلہ زارگاران، دولتہ،ایئرپورٹ ہاؤسنگ سوسائٹی، مرزاکالونی،ٹینک بھاٹہ،گلی نمبر3بلاک اے تہماسم آبادکے علاقوں کو بند کیاجائے گا۔بلاک ڈی سیٹلائٹ ٹاؤن،نیومال پور،شاہین ٹاؤن فیز2پراچہ چوک ڈھوک کنگال،گلزارقائدسٹریٹ 17ِِ، فاروق اعظم روڈشمس آباد اور لالہ رخ واہ کینٹ ٹیسلا کے علاقے شامل ہیں۔
جنوبی پنجاب میں ملتان میں گرین ایونیوہاؤسنگ سوسائٹی،بلاک سی پیر ممتاز آباد،صدیق بلاک گلی نمبر 1اسلام پورہ،بلاک اے قاسم روڈکینٹ، شیر شاہ روڈ تونسہ سٹریٹ گارڈن ٹاؤن، گلگشت کالونی اور شاہ رکن عالم بلاک سی کوبند کیا جارہا ہے۔
ان علاقوں میں اس دوران کن امور کو بجالانے کی اجازت اورکن سے بچنا ضروری ہے اس حوالے سے سیکرٹری پرائمری اینڈ سیکنڈری ہیلتھ کیئر نے بتاتے ہوئے کہاہے کہ لاک ڈاؤن والے علاقوں میں تمام شاپنگ مالز،ریسٹورانٹ،دفاتر)نجی اور سرکاری (بند رہیں گے۔علاقہ مکینوں کی نقل و حمل محدود ہو گی،انتہائی ضرورت کے پیش نظر ایک فرد ایک سواری استعمال کر سکے گا۔
سیکرٹری پرائمری اینڈ سیکنڈری ہیلتھ کیئر کی طرف سے کہا گیا ہے کہ ہر قسم کے اجتماعات پر مکمل پابندی ہو گی۔ تمام میڈیکل سروسز، فارمیسی، میڈیکل سٹور،لیبارٹریاں،کولیکشن پوائنٹس،ہسپتال اور کلینکس 24 گھنٹے کھلے رہے گے۔
سیکرٹری پرائمری اینڈ سیکنڈری ہیلتھ کیئر کی طرف سے کہا گیا ہے کہ ملک شاپس،چکن اور گوشت/مچھلی کی شاپس اور بیکریاں صبح 7سے شام 7بجے تک کھلی رہیں گی۔
ذرائع کے مطابق گروسری سٹورز،جنرل سٹورز،آٹا چکیاں،فروٹ،سبزی کی دوکانیں، تندور اور پیڑول پمپس 9بجے سے شام 7بجے کھل سکیں گی۔ سمارٹ لاک ڈاؤن کا مقصد کورونا سے زیادہ متاثر ہونے والے علاقوں سے لوگوں کی آمدورفت کو محدود کرنا ہے متاثرہ علاقوں میں سمارٹ لاک ڈاؤن سے ہی کورونا سے زیادہ لوگوں کو متاثر ہونے کے خطرے سے بچا یا جا سکتاہے۔
سیکرٹری پرائمری اینڈ سیکنڈری ہیلتھ کیئر نے خبردار کرتے ہوئے کہا ہےکہ احتیاط نہ کرنے سے کورونا وائرس کی دوسری لہر مزید شدت اختیار کر سکتی ہے۔ کیپٹن (ر) محمد عثمان نے آخر میں کہاکہ احتیاط کر کے ہی اس موذی بیماری کے پھیلاؤ کو روکا جا سکتا ہے
