کس معاملے میں سندھ سب سے آگے ، بلاول بھٹو کا خصوصی اہلیت کے حامل افراد کے عالمی دن پر پیغام
باغی ٹی وی :پیپلز پارٹی کے چیئرمین بلاول بھٹو زرداری نے خصوصی اہلیت کے حامل افراد کے عالمی دن پر پیغام دیتےہوئےکہا ہے کہ خصوصی اہلیت کے حامل افراد بھی ہر قوم کا اثاثہ ہوتے ہیں
خصوصی اہلیت کے حامل افراد کو مواقع دینے کی ضرورت ہےتاکہ وہ اپنی صلاحیتوں کو بروئے کار لاکر معاشرے کی بہبود میں اپنا حصہ بھرپور انداز میں مِلا سکیں.پی پی پی حکومتوں نے سرکاری محکموں میں ملازمت کے لیئے خصوصی اہلیت کے حامل افراد کے لئے 5 فیصد کوٹہ متعارف کرایانہ صرف کوٹہ مختص کیا بلکہ اس پر عمل درآمد بھی کرایا
خصوصی اہلیت کے حامل افراد کے لئے مختص کوٹہ پر عملدرآمد میں سندھ سب سے آگے ہے
بلاول بھٹو زرداری کا کہنا تھا کہ خصوصی اہلیت کے حامل افراد کے متعلق اقوام متحدہ کے کنونشنز پر عمل درآمد کے تمام اسٹینڈرز پر بھی سندھ آگے ہے.سندھ اسمبلی نے سال 2017 میں سندھ ڈفرنٹلی ائبلڈ پرسنس ایکٹ-2014 منظور کیا.مذکورہ بل میں مزید ترامیم بھی کیں تاکہ خصوصی اہلیت کے حامل افراد کو درپیش مشکلات کا زیادہ سے زیادہ ازالہ کیا جاسکے
مذکورہ بل کے تحت خصوصی افراد کو خصوصی صلاحیتوں کے حامل افراد بھی قرار دیا گیا:.پیپلز پارٹی خصوصی اہلیت کے حامل افراد کی فلاح و بہبود کے لیئے اقدام کرے گی.معاشرہ بھی خصوصی اہلیت کے حامل افراد کی خصوصی صلاحیتوں سے استفادہ کر سکے،
