قومی ٹیم نیوزی لینڈ میں کتنے مشکل حالات کا سامنا کررہی کپتان بابر اعظم نے سب بتا دیا
باغی ٹی وی . قومی ٹیم نیوزی لینڈ میں مشکل حالات سے گزر رہی ہے . اس سلسلے میں سکواڈ پر پابندیاں اور سختیاں ہیں. دورہ نیوزی لینڈ پر موجود قومی اسکواڈ کے کپتان بابر اعظم کہتے ہیں کہ کیویز کے دیس کے حالات انگلینڈ سے بہت مختلف ہیں، ٹریننگ کو بہت مس کر رہے ہیں۔
بابر اعظم نے نیوزی لینڈ میں سخت ایس او پیز کے پیش نظر موجودہ صورتحال کو مشکل قرار دیتے ہوئے کہا تمام کھلاڑی ایک دوسرے سے مکمل تعاون کر رہےہیں۔ کرکٹ میں بھی دوسرے شعبوں کی طرح مشکلات آتی ہیں تاہم ایک دفعہ کرکٹ شروع ہو گئی تو معاملات معمول پر آ جائیں گے۔ پریکٹس شروع ہوتے ہی اپنی تمام تر توجہ کرکٹ پر مرکوز کر لیں گے۔ سکواڈ میں 50 ممبرز ہیں، اتنے بڑے یونٹ کو ڈیل کرنا اتنا آسان نہیں۔ تمام کھلاڑی کھیلنے اور پرفارمنس دکھانے کیلئے بے چین ہیں۔
خیال رہے کہ رہے کہ کیویز کے دیس میں قومی شاہین کورونا پابندیوں میں وقت گذار رہے ہیں، کھلاڑیوں اور اسپورٹنگ اسٹاف کے چوتھی بار ٹیسٹ لے لیے گئے،ان کی رپورٹس جمعہ کو آئیں گی، کلیئرنس پر سب کو کھلی فضا میں ٹریننگ اور پریکٹس کرنے کی اجازت ہو گی.
واضحرہے کہ پاکستان اے اور نیوزی کے درمیان پہلا فور ڈے ٹور میچ 10 دسمبر کو کھیلا جائے گا جب کہ دوسرا فور ڈے ٹور میچ 17 دسمبر کو ہوگا۔ پاکستان اور نیوزی لینڈ کے درمیان 3 ٹی ٹوینٹی اور 2 ٹیسٹ میچز کھیلے جائیں گے۔پہلا ٹی ٹوینٹی میچ 18 دسمبر کو کھیلا جائے گا۔ دوسرا 20 اور آخری ٹی ٹوینٹی میچ 22 دسمبر کو ہوگا۔ پاکستان اور نیوزی لینڈ کے درمیان پہلا ٹیسٹ میچ 26 دسمبر کو کھیلا جائے گا، جب کہ دوسرا ٹیسٹ میچ 3 جنوری کو ہوگا
