پشاور:پی ایس ایل کے پروجیکٹ ایگزیکٹوکے بارے میں اہم فیصلہ ہوگیا ،اطلاعات کے مطابق پاکستان کرکٹ بورڈ کی طرف سے یہ اعلان کیا گیا ہے کہ پی ایس ایل کے پروجیکٹ ایگزیکٹو مسٹر شعیب نوید اپنے معاہدے کی توسیع نہیں لیں گے،ان کے معاہدے کی مدت 23 دسمبر کو ختم ہو رہی ہے۔
پاکستان کرکٹ بورڈ کی طرف سے یہ بھی کہا جارہا ہےکہ شعیب نویدنے پی سی بی کو پچھلے سال جوائن کیا تھا ،ایچ بی ایل پاکستان سپر لیگ 2020 آغاز سے اختتام تک پاکستان میں منعقد ہوئی، اس سارے ایونٹ کی کامیاب منصوبہ بندی میں انکا اہم حصہ رہا۔
مسٹر شعیب نوید کا کہنا ہے کہ مجھے اس بات کا فخر ہے کہ میں پاکستان سپر لیگ کا پہلا پروجیکٹ ایگزیکٹیو ہوں۔پی ایس ایل میں میرے دوسرے دور کی اہم بات یہ ہے کہ ہم پی سی بی کی پوری ٹیم،ٹیم مالکان، سیکیورٹی ایجنسیوں اور مقامی انتظامیہ کے تعاون سے پاکستان میں پورا سیزن کروانے میں کامیاب رہےہیں۔
انہوں نے کہا کہ میں نے ینگ فیملی کی موجودگی میں یہ محسوس کیا کہ مجھے ایک مختلف چیلنج کی طرف بڑھنے کی ضرورت ہے۔ایچ بی ایل پی ایس ایل پاکستان کا سب سے بڑا برانڈ ہے اور یہ میرے دل کے قریب ہے،میں اس کی مزید کامیابی کے لیے پرامید ہوں۔
یہ بھی معلوم ہوا ہے کہ شیعب نوید کی رخصتی کے بعد پی سی بی کے ڈائریکٹر کمرشل بابر حمید ایچ بی ایل پاکستان سپر لیگ 2021 کی منصوبہ بندی اور معاملات سنبھالیں گے۔
یہ بھی کہا جارہا ہے کہ شعیب نوید ایک ہونہار افسر کے طور پرجانے جاتے ہیں اورہمیشہ کرکٹ کے لیے بہتر کام کیا