جنرل قمرجاوید باجوہ سے زلمے خلیل زاد کی ملاقات ، باہمی امور پر تبادلہ خیال
باغی ٹی وی رپورٹ کے مطابق. افغانستان کے لئے امریکی نمائندہ خصوصی برائے مفاہمت زلمے خلیل زاد ، اور افغانستان میں کمانڈر ریزولیوٹ سپورٹ مشن (آر ایس ایم)جنرل آسٹن اسکاٹ ملر نے آرمی چیف جنرل قمر جاوید باجوہ سے ملاقات کی۔
ملاقات کے دوران باہمی دلچسپی کے امور سمیت مجموعی طور پر علاقائی سلامتی کی صورتحال پر خصوصی طور پر افغانستان کے مصالحتی عمل پر تبادلہ خیال کیا گیا۔ آرمی چیف نے افغانستان میں امن و استحکام کے لئے آسٹن اسکاٹ ملر کے کردار کو سراہا اور یقین دلایا کہ پاکستان خطے میں امن و استحکام کے لئے اپنا مثبت کردار ادا کرتا رہے گا۔
دورہ کرنے والے معززین نے خطے میں امن کے باہمی عمل کو آسان بنانے کے لئے پاکستان کی انتھک کوششوں کو سراہا۔
