بالی وڈ اداکار شاہ رخ خان نے اہلیہ گوری خان کو 100 معروف شخصیات کی فہرست میں شامل ہونے اور ایوارڈ سے نوازے جانے پر پُرمزاح تبصرہ کیا ہے جسے سوشل میڈیا صارفین کی جانب سے خوب پسند کیا جا رہا ہے-

باغی ٹی وی : حال ہی میں ان کی اہلیہ گوری خان کو ایک میگزین کی جانب سے ایوارڈ سے نوازا گیا ہے بھارتی میڈیا رپورٹس کے مطابق ’آرکیٹیکچرل ڈائجیسٹ‘ (اے ڈی) کی جانب سے گوری خان کو 100 معروف شخصیات کی فہرست میں شامل کیا گیا اور انہیں ٹرافی بھی دی گئی۔

سماجی رابطے کی ویب سائٹ ٹوئٹر پر گوری خان نے اس حوالے سے خوشی کا اظہار کرتے ہوئے لکھا کہ میں اے ڈی 100 کا حصہ بننے اور ٹرافی حاصل کرنے پر کافی پرجوش ہوں۔

Chalo ghar mein kisi ko toh award mil rahein hain!!! https://t.co/zwrawI4zdm

— Shah Rukh Khan (@iamsrk) December 14, 2020

اس پوسٹ پر شاہ رخ خان نے اپنا جواب کچھ یوں دیا کہ پڑھنے والے حیران ہوگئے شاہ رخ خان نے لکھا کہ چلو گھر میں کسی کو تو ایوارڈز مل رہے ہیں۔

خیال رہے کہ شاہ رخ خان خود طویل عرصے سے سپر ہٹ فلم دینے میں ناکام رہے ہیں اور یہی وجہ ہے کہ انہیں ایوارڈز بھی نہیں مل رہے۔

ممبئی ائیر پورٹ پرجوہی چاولہ کی 15 سال پرانی بالی کھو گئی

شاہ رخ خان سدھارت آنند کی ہدایت کاری میں بننے والی فلم ’پٹھان‘ میں بھارتی خفیہ ایجنسی ’را‘ ایجنٹ کا کردار ادا کریں گے فلم میں ان کے مدمقابل ڈپیکا پڈوکون مرکزی کردار نبھائیں گی اور اس کے علاوہ جان ابراہم بھی اہم کردار میں دکھائی دیں گے۔

دوسری جانب یہ خبریں بھی سامنے آرہی ہیں کہ بالی وڈ کے سلطان سلمان خان بھی شاہ رخ خان کی فلم ’پٹھان‘ میں انٹری دیں گے اور وہ اپنی کامیاب ترین فلم ’ٹائیگر زندہ ہے‘ کے کردار ٹائیگر میں دکھائی دیں گے جب کہ فلم میں ان کا کردار مختصر نہیں ہوگا بلکہ فلم میں ان کی انٹری 20 منٹ سے زیادہ ہوگی جب کہ سلمان خان اورشاہ رخ خان، عامر خان کی نئی فلم لال سنگھ چڈھا میں بھی ایک ساتھ دکھائی دیں گے۔

سلمان خان شاہ رخ خان کی نئی آنے والی فلم میں جلوہ گر ہوں گے