شہباز شریف اور حمزہ شہباز بارے ایف آئی اے نے جیل حکام کو خط لکھ دیا

شہباز شریف اور حمزہ شہباز بارے ایف آئی اے نے جیل حکام کو خط لکھ دیا

باغی ٹی وی روپورٹ کے مطابق ایف آئی اے نے تحقیقات کے لیے جیل حکام کو خط لکھ دیا.ایف آئی اے پنجاب زون ون کی جانب سے ڈی آئی جی جیل لاہور کو خط لکھا گیا.مراسلے میں‌کہا گیا ہے کہ شہباز شریف اور حمزہ شہباز کا 18دسمبر کو جیل میں بیان ریکارڈ کرایا جائے.بیان ریکارڈ کرنے کی اجازت دی جائے.حمزہ شہباز پر25 ارب روپے کی منی لانڈرنگ کا الزام ہے،

واضح رہے کہ رمضان شوگرملز کیس میں حمزہ شہباز کی ضمانت 6 فروری کو منظورہوئی تھی جبکہ حمزہ شہباز کی آمدن سے زائد اثاثہ جات کیس میں درخواست ضمانت مسترد کر دی گئی تھی، حمزہ شہباز کوٹ لکھپت جیل میں قید ہیں، نیب نے انہیں لاہور ہائیکورٹ سے ضمانت کی درخواست مسترد ہونے پر گرفتار کیا تھا.

نیب نے احتساب عدالت میں رپورٹ جمع کروائی ہے جس میں کہا گیا ہے کہ شہبازشریف فیملی نے اپنے مختلف ملازموں کے ناموں پرکمپنیاں بنا رکھی ہیں،منی لانڈرنگ کی رقوم بے نامی کمپنیوں میں منتقل کی جاتی رہیں ،اور ان بے نامی کمپنیوں سے شریف فیملی کے اکاؤنٹس میں رقم منتقل ہوتی رہی. نیب رپورٹ میں مزید کہا گیا کہ نیب کو 10 غیرملکی منی ایکس چینجرزکا ریکارڈمل چکاہے، شہبازشریف، حمزہ،سلمان کوبرطانیہ کی 4 منی ایکس چینج سے رقوم منتقل ہوئیں، دبئی کی 6 منی ایکس چینج سے بھی رقوم منتقل کی گئیں۔ نیب رپورٹ کے مطابق شہبازشریف فیملی کو 10 کمپنیوں سے 37 کروڑبھیجے گئے