یو آر آئی اور پیس سینٹر کی مشترکہ کاوش سے بین المذاہب کرسمس کی تقریب میں مذہبی رہنماؤں کی پریس کانفرنس، تقریب کا انعقاد پیس سینٹر عرب ہاؤسنگ سوسائٹیز،فیروز پور روڈ لاہور میں کیا گیا،تقریب میں معاون خصوصی وزیراعظم پاکستان برائے بین المذاہب ہم آہنگی طاہر محمود اشرفی کی خصوصی شرکت کی ،صوبائی وزیر اقلیتی امور اعجا ز عالم آگسٹین نے تقریب کی صدارت کی
تقریب کی میزبانی او پی ریجنل کوارڈینیٹر یو آئی پاکستان فارد جیمز چنن نے کی
مختلف مذاہب سے تعلق رکھنے والے مذہبی قائدین،انسانی حقوق کے علمبرداروں،امن کے داعی،سماجی تنظیموں وغیرہ نے تقریب میں شرکت کی، تقریب میں پاکستان کی ترقی و خوشحالی کے لئے خصوصی دعاؤں کا اہتمام کیا گیا
٭ حافظ طاہر محمود اشرفی اور اعجاز عالم آگسٹین نے مسیحی برادری کو کرسمس کی مبارکباد دی
٭ پاکستان کا آئین مذہبی اقلیتوں کو مکمل تحفظ اور آزادی دیتا ہے۔حافظ طاہر محمود اشرفی کا بیان
٭ حافظ طاہر محمود اشرفی نے مسیحی برادری سے اپیل کی کہ کرسمس کے موقع پر کورونا کی وباء کے پیش نظر تمام تر ایس او پیز کا خیال رکھا جائے
٭ حکومت تن تنہا کچھ نہیں کر سکتی بلکہ ہر کسی کو ذمہ دار شہری ہونیکا ثبوت دیتے ہوئے مکمل احتیاط سے کام لینا ہوگا۔حافظ طاہر محمود اشرفی
٭ حضرت عیسیٰ کی تعلیمات ہم سے تقاضہ کرتی ہیں کہ معاشرے میں باہمی یگانگت اور بھائی چارے کو فروغ دیا جائے۔صوبائی وزیر اقلیتی امور
٭ پنجاب بھرمیں تمام مسیحی اپنے مکمل حقوق کے ساتھ ملکی ترقی میں اہم کردار ادا کر رہے ہیں۔ اعجاز عالم آگسٹین نے کہا بزدار حکومت ان کے مسائل حل کرنے کیلئے سنجیدہ اقدامات اٹھا رہی ہے۔
٭ پاکستان بھر میں بسنے والی مذہبی اقلیتوں کو ہر میدان میں یکساں مواقع فراہم کیئے جارہے ہیں۔
٭ دیگر مقررین نے تمام مذاہب کے درمیان بھائی چارے،امن و اتحاد کی فضاء کو قائم کرنے کے حوالے سے تحریک انصاف کی حکومت کی کاوشوں کو بے حد سراہا،مقررین نے امید ظاہر کی کہ مستقبل میں بھی انٹر فیتھ ہارمنی کو فروغ دینے میں تمام اسٹیک ہولڈرز کو اعتماد میں لیکر آگے کا سفر جاری رکھا جائیگا
٭ تقریب کے اختتام پر حافظ طا ہر محمود اشرفی، صوبائی وزیر اعجاز عالم نے پاسٹرز،بشپس اور مختلف مکاتب فکر سے تعلق رکھنے والے مذہبی نمائندگان کے ہمراہ کرسمس کا کیک بھی کاٹا
٭ تقریب میں شرکت کرنیوالوں میں خطیب بادشاہی مسجد مولانا عبدالخبیر آزاد،مولانا پیر شفاعت رسول،علامہ زبیر حامد،حافظ نعمان حامد،سہیل احمد رضا،مفتی عاشق حسین،پروفیسر محمود غزنوی،پادری ڈاکٹر مجید ایبل،پادری ساجد معراج،علامہ ڈاکٹر بدر منیر،مولانا عاصم مخدوم،ریورنڈ شاہد معراج،فادر پیٹرک پیٹر او پی،مس شبنم ناگی،مس انیلہ ڈوگر،ڈاکٹر منور چند،علامہ عارف اصغر چشتی،،ڈاکٹر کنول فیروز،ڈاکٹر سعدہ عمر،فادر تقفیق یونس او پی وغٖیرہ شامل تھے۔
