گڑھی خدا بخش :میں نے مشرف کو ایوان صدر سے نکالا، عمران خان کیا چیز ہے؟بس ایک دفعہ چھوڑ دے:سابق صدر آصف علی زرداری نے گڑھی خدا بخش میں جلسہ عام سے خطاب کہا ہے کہ عمران خان کو نکالنے کیلئے اپوزیشن جماعتوں کو اپنی سوچ کو بدلنا ہوگا اور ہم ایک دوسرے کو نہ بتائیں کہ ہمیں کیا کرنا ہے۔آصف علی زرداری نے کہا کہ بس ایک دفعہ مجھے چھوڑ دے پھردیکھنا میں کیا کرتا ہوں
جلسے سے خطاب میں آصف زرداری کا کہنا تھا کہ ان سے پاکستان چل نہیں رہا اور چلے گا بھی نہیں، یہ میرا دعویٰ ہے ان سے پاکستان نہیں چلے گا، یہ کرکٹ ٹیم والے ہیں، ملک چلانے کیلئے اور لوگ چاہیئیں، میں نے پہلے دن اسمبلی میں کہا ملک چلالو یا نیب چلا لو، نیب نے بلیک میلنگ شروع کردی ہے۔
سابق صدر آصف زرداری کا گڑھی خدا بخش بھٹو میں بینظیر بھٹو کی برسی کے جلسے سے بذریعہ ویڈیو لنک خطاب کیا۔انہوں نے کہا کہ میں نے پاکستان کھپے کہا،
آصف زرداری کا کہنا تھا کہ ہر شخص امید لگائے بیٹھا ہے کہ بھٹو کی پارٹی آئے گی، ہمارے دور میں قیمتیں کم تھیں، ہم نے بچوں کی طرح ملک کو سنبھال کر چلایا، ہم نے اپنی حکومت کی معیاد پوری کی، میاں نواز شریف کی حکومت آئی، ہم نے ویلکم کیا۔
سابق صدر نے کہا کہ میں نے صدر مشرف کو ایوان صدر سے نکالا، عمران خان کیا چیز ہے، عمران خان نیازی کو ہم نکال سکتے ہیں
ان کا کہنا تھا کہ چاہتا ہوں سب جماعتیں ایک سوچ پرآئیں مگرہم ایک دوسرے کو نہ بتائیں کہ ہمیں کیاکرنا ہے؟ کچھ ہم سے سیکھ لو، کچھ ہم سے سمجھ لو، ہوسکتا ہے میں نے یہ کام پہلے بھی کیا ہو۔
