برٹش ایئر ویز نے قاہرہ کے لئے ہفتے کے لیے پروازیں بند کر دیں

برٹش ایئر ویز نے قاہرہ کے لئے ایک ہفتے تک کی مدت کے لئے اپنی پروازیں کر دی ہیں۔ پرواز معطلی کے فیصلے کا اطلاق ہفتے کے روز سے ہوا ہے۔

مصر کی وزارت شہری ہوابازی کے انٹرنیٹ پر شائع بیان میں کہا گیا ہے کہ حکام مصر میں برطانوی سفارتخانے کے ساتھ رابطے میں ہیں۔ مصری حکام برٹش ایئر ویز کی جانب سے پروازیں معطل کرنے کے فیصلے کا جائزہ لے رہے ہیں۔

برطانوی فضائی کمپنی نے قاہرہ کے لئے پروازیں معطلی کے فیصلے سے متعلق ایک بیان میں کہا ہے کہ ایئر لائن نے یہ اقدام حفظ ماتقدم کے طور پر اٹھایا ہے جس کے تحت سیکیورٹی اقدامات کا جائزہ لینا مقصود ہے۔

ادھر مصر کی شہری ہوابازی کی وزارت کے ذرائع نے بتایا کہ ایک ہفتے تک قاہرہ کے لئے برطانوی فضائی کمپنی کی پروازیں معطل کرنے کا فیصلہ برطانیہ کے محکمہ ٹرانسپورٹ یا دفتر خارجہ کا نہیں ہے۔