بالی وڈ کے ماضی کے معروف اداکار گووندا کی 1995 کی سپر ہٹ فلم ’قلی نمبر 1 ‘میں شاندار اداکاری اور کامیڈی کی سے یہ فلم خوب مشہور بھی ہوئی تھی تاہم اب اس کا ری میک ورژن بنایا گیا ہے جس میں اداکار ورون دھون اور سیف علی خان کی بیٹی سارہ خان شامل ہیں-
باغی ٹی وی : بھارتی میڈیا رپورٹ کے مطابق ورون دھون اور سارہ علی خان کی فلم کو کرسمس کے موقع پر ریلیز کیا گیا تھا جو کہ مداحوں کے معیار پر پورا نہ اتر سکی۔ فلم کی ریلیز کے پہلے ہی دن انٹرنیٹ پر اس کے ایک سین پر لوگوں نے خوب تنقید کی اور اس کا بےحد مذاق بھی اڑایا تھا۔
تاہم آئی ایم ڈی بی پر سارہ خان اور ورون دھون کی فلم قلی نمبر 1 کو انتہائی کم ریٹنگ ملی ہے اور صارفین کی جانب سے اس فلم کو 1.4 ریٹ کیا گیا ہے۔
خیال رہے کہ آئی ایم ڈی بی ایک ایسا آن لائن ڈیٹا بیس پلیٹ فارم ہے جہاں فلم، ٹی وی پروگرامز اور دیگر مواد پر صارفین ریویوز دیتے ہیں اور آئی ایم ڈی بی پر آنے والی ریٹنگ سے کسی بھی فلم کی کامیابی اور ناکامی ظاہر ہو جاتی ہے۔
واضح رہے کہ فلمساز ڈیوڈ دھون 1995 ء میں قلی نمبر 1 فلم بنائی تھی جس میں اداکار گووندا ، کرشمہ کپور اور قادر خان نے مرکزی کردار ادا کئے تھے اور فلم باکس آفس پر خوب چھائی تھی گووندا کی مزاحیہ اداکاری کی بنا ء پر فلم ہٹ ہوئی تھی تاہم اب اس کا ری میک ورژن بنایا گیا ہے جس کو ڈیویڈ دھون نے ہی پروڈویس کیا ہے اور اس میں گوندا کی جگہ ڈیوڈ دھون کے بیٹے ورون دھون اور کرشمہ کی جگہ اداکار سیف علی خان کی جگہ سارہ علی خان نے اداکاری کی ہے-
