شہبازشریف کوکس نے اختیاردیا کہ وہ حکومتی نمائندوں‌ سے خفیہ ملاقاتیں اوراپنی باتیں کریں :مریم نوازاورمولانا برس پڑے

اسلام آباد : شہبازشریف کوکس نے اختیاردیا کہ وہ حکومتی نمائندوں‌ سے خفیہ ملاقاتیں اوراپنی باتیں کریں :مریم نوازاورمولانا برس پڑے،اطلاعات کے مطابق مریم نوازاورمولانا فضل الرحمن نے قائد حزب اختلاف میاں شہباز شریف پرشک اورشکوے کااظہارکرتے ہوئے کہا ہے کہ شہازشریف کوکس نے اختیاردیا کہ وہ حکومتی نمائندوں سے خفیہ ملاقاتیں کریں اورساتھ ساتھ اپنی باتیں کریں ،

مریم نواز کی مولانا فضل الرحمان سے ملاقات کی اندرونی کہانی کی مزید تفصیلات بھی آگئی ہیں ، اس حوالے سے ذرائع کا کہنا ہے کہ پی ڈی ایم میں شامل جماعتوں میں اختلافات بڑھنے لگے۔

ذرائع کا کہنا ہے کہ مولانا فضل الرحمان نے ملاقات کے دوران کہا کہ کل پی ڈی ایم کے سربراہی اجلاس میں پیپلز پارٹی سے دو ٹوک بات ہوگی، پی ڈی ایم سربراہ نے محمدعلی درانی کی شہباز شریف سے ملاقات پر ناراضگی کا اظہار کیا۔

ذرائع کے مطابق مولانا فضل الرحمان نے شکوہ کیا کہ ہم اسٹیبلشمنٹ کی سیاسی مداخلت کے خلاف لڑ رہے ہیں اور شہباز شریف ان کے نمائندوں سے ملاقاتیں کر رہے ہیں۔

دونوں رہنماؤں کی ملاقات سے متعلق مصدقہ ذرائع نے بتایا کہ نوازشریف اور مریم نواز کی جانب سے پی پی کے یکطرفہ فیصلوں پر مایوسی کا اظہار کیا گیا، ن لیگی رہنبماؤں کا کہنا ہے کہ بلاول بھٹو نے میثاق پاکستان پر دستخط کئے اب وہ ان فیصلوں سے پیچھے ہٹ رہے ہیں۔

سربراہ پی ڈی ایم کا کہنا تھا کہ یہ طے ہے کہ حکومت سے مذاکرات نہیں ہوں گے تو پھر بیک ڈور رابطے کیوں کیے جارہے ہیں؟ جس پر ن لیگ کے سربراہ نواز شریف نے جواب دیا کہ ملاقات پر آپ پریشان نہ ہوں وہ وہی کریں گے جو پی ڈی ایم کا فیصلہ ہوگا۔

ذرائع کا مزید کہنا ہے کہ ن لیگ نے اس بات پر اعتراض کیا کہ آصف زرداری کے بھی تو اسٹیبلشمنٹ سے رابطے ہیں۔

ذرائع کے مطابق ن لیگ نے بھی سینیٹ الیکشن میں حصہ لینے کی حمایت کردی ہے، اس حوالے سے ن لیگی رہنبماؤں کا مؤقف ہے کہ استعفوں کا معاملہ سینیٹ الیکشن کے بعد ہی دیکھا جائے گا۔