ملائکہ اروڑا نے مبہم الفاظ میں ارجن کپور کے ساتھ تعلقات کی تصدیق کر دی

نئے سال کی شروعات کے ساتھ ہی بھارتی اداکارہ ملائکہ اروڑا نے مبہم لفظوں میں بالی وڈ اداکار ارجن کپور سے اپنے تعلقات کی تصدیق کر دی ہے۔

باغی ٹی وی : اداکارہ ملائکہ اروڑا نے نئے سال کے آغاز پر فوٹو اینڈ ویڈیو شیئرنگ ایپ انسٹاگرامپر ارجن کپور کے ہمراہ ایک تصویر شئیر کی تصویر میں دیکھا جا سکتا ہے کہ ملائکہ اروڑا ارجن کپور کے کاندھے پر ہاتھ رکھے خوشگوار موڈ میں ہیں-

انسٹاگرام پر اپنے تصدیق شدہ اکاؤنٹ پر شئیر کی گئی تصویر کےکیپشن میں ملائکہ اروڑ ا نے لکھا کہ یہ ایک نئی صبح ہے، یہ ایک نیا دن ہے یہ ایک نیا سال 2021ہے- ساتھ ہی انہوں نے ہیش ٹیگ میں دائمی طور پر شکر گزاری بھی لکھا ۔

ملائکہ اروڑا کی پوسٹ پر کرینہ کپور ان نے بھی رد عمل دیا-

خیال رہے کہ اداکار جوڑی گزشتہ ہفتے سے چھٹیاں منانے بھارتی شہر گوا گئی ہوئی ہے تاہم اب ملائکہ اروڑا نے نئے سال کا آغاز ارجن کپور کے ہمراہ لی گئی تصویر سے کیا ہے۔

واضح رہے کہ گزشتہ برس ستمبر میں ارجن کپور میں عالمی وبا کورونا وائرس کی تصدیق ہوئی تھی جس کے بعد ملائکہ اروڑا کا کورونا ٹیسٹ بھی مثبت آیا تھا جس کے بعد انہوں نے گھر میں خود کو آئسولیٹ کیا تھا۔