واشنگٹن :ٹرمپ رنگے ہاتھوں پکڑے گئے:شرم سے امریکیوں کے سرجھک گئے،اطلاعات کے مطابق امریکہ میں ڈیموکریٹ پارٹی کے رہنماوں نے انتخابات میں دھاندلی کرنے پر سخت رد عمل کا اظہار کیا ہے۔
ریکارڈ شدہ ٹیلی فونی کال سامنے آنے کے بعد ڈیموکریٹ پارٹی کے رہنماوں اور امریکی میڈیا پرامریکی صدر ڈونلڈ ٹرمپ کو کافی تنقید کا سامنا کرنا پڑ رہا ہے۔
صدر ٹرمپ نتائج بدلنے کے لیے کچھ بھی کرنے کو تیار ہو گئے تھے جس کا امریکی اخبار نے بھانڈہ پھوڑ دیا۔ امریکی صدر ٹرمپ، ریاست جارجیا کے حکام پر دوبارہ گنتی اور مزید ووٹ تلاش کرنے کیلئے دباؤ ڈالتے رہے جس کے حوالے سے امریکی صدر کی ایک گھنٹے کی فون کال سامنے آگئی۔
ذرائع کے مطابق اس فون کل میں ٹرمپ جارجیا کے سیکریٹری آف اسٹیٹ بریڈ رافنسپر کو کال پر کہتے رہے کہ میں صرف گیارہ ہزار سات سو اسی ووٹ تلاش کرنا چاہتا ہوں جس پر بریڈ نے ٹرمپ کو جواب دیا کہ جارجیا کے نتائج درست تھے۔
واضح رہے کہ امریکی کانگریس بھی 6 جنوری کو رسمی طور پر انتخابی نتائج کی منظوری دینے والی ہے۔
