کوہلو: نامور بلوچی لوک فنکار میر احمد مری انتقال کرگئے۔
باغی ٹی وی : مشرقی بلوچستان کے نامور بلوچی لوک فنکار میر احمد مری اپنے آبائی علاقے کوہلو میں حرکت قلب بند ہونے سے انتقال کرگئے ہیں ۔
انہوں نے بلوچستان میں 40 سال تک اپنے فن کا مظاہرہ کیا ہے ان کے سازوں کی دھن ناصرف سننے والوں کے کانوں میں رس گھولتی ہیں بلکہ بلوچستان میں اپنی منفرد پہچان رکھتی ہیں ۔
اتوار کی صبح وہ حرکت قلب بند ہونے سے انتقال کر گئے ہیں اور سینکڑوں مداحوں کو سوگوار چھوڑ گئے۔
لوک فنکار میر احمد کی نماز جنازہ آبائی علاقے کوہلو میں ادا کردی گئی جنازے میں سینکڑوں کی تعداد میں لوگوں نے شرکت کی ہے۔
