حمزہ علی کی شوبز سے کنارہ کشی سے متعلق بیان کی وضاحت

عارضی طور پر شوبز سے کنارہ کشی اختیار کرنے والے اداکار حمزہ علی کا شوبز سے کنارہ کشی سے متعلق واضح بیان سامنے آگیا۔

باغی ٹی وی : اداکار نے ویڈیو پیغام میں اعلان کیا تھا کہ میں اب اپنی ساری زندگی اللہ اور اس کے بتائے ہوئے اصولوں کے مطابق اور انسانیت کی خدمت میں گزاروں گا، اب میں ٹی وی اور سوشل میڈیا کا پلیٹ فارم خدا کا پیغام آگے بڑھانے کے لیے استعمال کروں گا۔

تاہم اس کے کچھ عرصے بعد ہی سوشل میڈیا پر حمزہ علی عباسی کی شوبز میں واپسی کی خبریں گردش کرنے لگیں جس کے بعد انہیں مداحوں کی جانب سے شدید تنقید کا نشانہ بنایا گیا۔

حمزہ علی عباسی کا جلد ہی شوبز میں واپسی کا اعلان

اب اپنے حالیہ انٹرویو میں حمزہ علی عباسی نے کہا ہےکہ وہ جو یہ کہہ رہے ہیں کہ میں نے شوبز سے توبہ کرلی تھی، مجھے حیرت ہے کہ میری ویڈیو اب بھی میرے یوٹیوب چینل اور انٹرنیٹ پر موجود ہے لیکن کسی نے بھی اس ویڈیو کو جو صرف 17 منٹ کی ہے دیکھنے کی زحمت گوارا نہ کی۔

اداکار کا کہنا تھا کہ میں نے اس وقت یہ لفظ دانستہ طور پر استعمال کیے تھے کہ میں شوبز چھوڑرہا ہوں لیکن اس لیے نہیں چھوڑ رہا کہ میرے خیال میں اسلام میں یہ حرام ہے بلکہ میں نے اپنی ویڈیو میں واضح طور پر یہ الفاظ کہے تھے کہ اگر فن کی ہر وہ شکل آرٹ میڈیا اللہ کے متعین کردہ حدود میں رہ کر استعمال کیا جائے تو نہ صرف وہ حلال ہے بلکہ اس وقت کی شدید ضرورت بھی ہے۔

حمزہ علی عباسی کے مطابق ’شوبز سے کنارہ کشی سے متعلق ویڈیو میں، میں نے کہا کہ میں اس لیے کنارہ کشی اختیار کررہا ہوں کیوں کہ میں نے اب پڑھنا ہے اور میں نے اسے لوگوں کے ساتھ شیئر کرنا ہے اور کیونکہ پڑھنا وقت طلب ہے، اگر میں میڈیا پر رہ کر شوٹنگ میں مصروف رہوں گا تو نہ پڑھ سکوں گا نہ آپ سے بات کرسکوں گ‘۔

واضح رہے کہ اداکار حمزہ علی عباسی نے 2006 میں شوبز انڈسٹری کی دنیا میں قدم رکھا تھا جس کے بعد انہوں نے ’پیارے افضل‘ اور ’من مائل‘ جیسے ڈرامہ سیریل سے شہرت حاصل کی ڈرامہ سیریل الف میں بھی بہترین اداکاری کی-

شوبز انڈسٹری میں صرف خواتین ہی نہیں بلکہ مرد اداکاروں کو بھی کئی طرح کی مشکلات کا…