کپتان قومی ٹیسٹ کرکٹ ٹیم محمد رضوان کا میچ سیریز میں ناقص کارکردگی کا اعتراف

کپتان قومی ٹیسٹ کرکٹ ٹیم محمد رضوان نے میچ کے دوران دی گئی پرفارمنس پر اپنی غلطی کا اعتراف کر لیا کہا مجھے جس طرح وکٹ کیپنگ میں پرفارم کرنا چاہیے تھا ویسا نہیں کر سکا-

باغی ٹی وی : میچ میں پرفارمنگ کے حوالے سے گفتگو کرتے ہوئے میں کپتان قومی ٹیسٹ کرکٹ ٹیم محمد رضوان کا کہنا تھا کہ کپتان کی حیثیت سے تمام زمہ داری قبول کرتا ہوں مجھے جس طرح وکٹ کیپنگ میں پرفارم کرنا چاہیے تھا ویسا نہیں کر سکا-

محمد رضوان کا کہنا تھا کہ ہم نے میچ میں اچھی ‏فیلڈنگ نہیں کی ٹیسٹ میچ جیتنے کے لیے 20 وکٹیں درکار ہوتی ہیں اور یہاں فیلڈنگ کا کردار بہت اہم ہوتا ہے-

محمد رضوان کا کہنا تھا کہ ‏ہم نے تینوں شعبوں میں اچھا کھیل پیش نہیں کیا یہ سیریز ہمارے لیے بہت بڑا سبق تھا، ہمیں تینوں شعبوں میں بہتری کی ضرورت ہے-

کپتان قومی ٹیسٹ کرکٹ ٹیم محمد رضوان نے مزید کہا کہ ہمیں فیلڈنگ کے شعبے میں سب سے زیادہ بہتری لانے کی ضرورت ہے-

محمد رضوان کے مطابق بیٹنگ میں بھی ہماری پرفارمنس مستقل نہیں ہمارے بیٹسمین باصلاحیت ہیں، آئندہ سیریز میں ان سے بہتر کارکردگی کی امید ہے-

انہوں نے کہا کہ اس ٹیسٹ میچ میں ‏باؤلرز نے ہمارے لیے کئی مواقع پیدا کیےان کے جارحانہ انداز میں کمی نہیں ہے مگر کیچز چھوٹنے سے ان کا مورال گرا ‏ہم میچ کے اختتام میں ریلیکس ہوئے جس کا خمیازہ بھگتا-

محمد رضوان کا کہنا تھا کہ‏ ہمارے پاس اتنی انرجی ہونی چاہیے کہ پہلے سیشن کی طرح تیسرے سیشن میں بھی اچھی باؤلنگ کرسکیں-

محمد رضوان کا کہنا تھا کہ ‏کین ولیمسن ورلڈ نمبر ون بیٹسمین ہیں، انہوں نے ہمیں مواقع دئیے لیکن ہم نے فائدہ نہیں اٹھایا دونوں ٹیموں کے درمیان سب سے بڑا فرق کائل جیمیسن رہے، دراز قد کی وجہ سے انہیں بہت مدد ملی-