پولیس کی گرینڈ افطاری کس نے کروائی جانیے اس خبر میں

(نمائندہ باغی ٹی وی)ڈسٹرکٹ پولیس افسر سرگودھا حسن مشتاق سکھیرا نے ذکالله شہید ڈسٹرکٹ پولیس لائنز سرگودھا میں پولیس ملازمین کے اعزاز میں افطار پارٹی کا اہتمام کیا ۔
افطار پارٹی میں ڈسٹرکٹ پولیس کے اہلکاران، ایلیٹ فورس ک جوانوں اور ٹریفک پولیس کے اہلکاران نے شرکت کی۔ اس موقع پر انہوں نے پولیس ملازمین سے کہا کہ پولیس ملازمین کے پاس اس ماہ مقدس میں دوگنا ثواب اور اجر کمانے کا موقع ہے۔ روزے کی حالت میں روزمرہ کی ڈیوٹی کے ساتھ ساتھ سیکورٹی ڈیوٹی سرانجام دینا اور لوگوں کو محفوظ اور بے خوف طریقے سے عبادت کرنے کاموقع دینا یقیناً بہت زیادہ اجر رکھتا ہے ۔ افطاری میں ڈسٹرکٹ پولیس افسر اپنے ماتحتوں میں گھل مل گئے اور انکو اپنے ساتھ بیٹھا کر افطاری کی ۔ اس موقع پر ماتحتوں نے اپنے کمانڈر کو اپنے درمیان پا کر بہت خوشی کا اظہار کیا اور ڈسٹرکٹ پولیس افسر سرگودھا کے اس اقدام کو سراہا ۔