بھارتی اداکارہ کی سابقہ مینجر 200 کلو گرام منشیات سمیت رنگے ہاتھوں گرفتار
بھارتی تحقیقاتی ایجنسی نارکوٹکس کنٹرول بیورو (این سی بی) نے بالی وڈ کی معروف اداکارہ دیا مرزا کی سابقہ منیجر راحیلہ فرنیچر والا کو منشیات سمیت گرفتار کرلیا۔
باغی ٹی وی : بھارتی میڈیا رپورٹس کے مطابق این سی بی نے ممبئی کے علاقے باندرہ ویسٹ میں چھاپہ مار کر 200 کلو گرام گانجا برآمد کیا اور آپریشن میں 2 خواتین سمیت 3 افراد کو گرفتار کیا ہے۔
Mumbai: NCB seized Ganja from a courier at Bandra West. In the follow-up operation, imported strains of Ganja recovered from a British national. In further probe, Ganja & Bud recovered from another man (Indian national). His sister also arrested. Total seizure amounts to 200 kg. pic.twitter.com/Wu81lCtZXV
— ANI (@ANI) January 9, 2021
رپورٹس میں بتایا گیا ہے کہ گرفتار افراد میں بالی وڈا داکارہ دیا مرزا کی سابقہ منیجر راحیلہ اور ان کی بہن شائستہ شامل ہیں جبکہ گرفتار تیسرا شخص کرن سجنانی برطانوی شہری ہے۔
رپورٹس کے مطابق ایک اطلاع پر باندرہ ویسٹ میں چھاپہ مارا گیا جہاں فلیٹ سے بڑی مقدار میں منشیات برآمد ہوئی اور وہاں سے گرفتار غیرملکی شہری سے تفتیش کی گئی تو یہ دائرہ خواتین تک جا پہنچا۔
رپورٹس میں کہا گیا ہے کہ دونوں خواتین بالی وڈ اداکاروں اور دیگر بڑی شخصیات کو منشیات پہنچانے میں ملوث ہیں جبکہ اس کیس کا تعلق سشانت سنگھ راجپوت کیس سے بھی ہے۔
این سی بی نے تینوں کی گرفتاری کے بعد مقدمہ درج کرلیا ہے اور مزید تحقیقات کی جارہی ہیں۔