بالی وڈ اداکارہ ایشا دیول کا بھی انسٹاگرام اکاؤنٹ ہیک
بالی وڈ کی معروف اداکارہ اور لجینڈز اداکار ہیما مالنی اور دھرمیندر کی بیٹی ایشا دیول کا بھی انسٹاگرام اکاؤنٹ ہیک ہوگیا۔
باغی ٹی وی :اس حوالے سے اداکارہ ایشا دیول نے سماجی فابطے کی ویب سائٹ ٹوئٹر پر اپنی پوسٹ میں مداحوں کو خبردار کرتے ہوئے بتایا کہ میرا انسٹاگرام اکاؤنٹ ہیک ہوچکا ہے اگر کسی کو اس کاؤنٹ سے کوئی پیغام ملے تو اسے نظر انداز کردیں اور اس کا جواب مت دیں۔
This morning my official Instagram account imeshadeol got Hacked , so please don’t reply to any msg if you received any from my Instagram account. Sorry for the inconvenience.
Insta Id : imeshadeol pic.twitter.com/AbLg79WxIY— Esha Deol (@Esha_Deol) January 10, 2021
بعد ازاں 8گھنٹوں بعد ایشا دیول نے دوبارہ ٹوئٹ میں بتایا کہ ان کا انسٹاگرام اکاؤنٹ بحال ہوگیا ہے جس پر انہوں نے انسٹاگرام انتظامیہ اور فلمساز اریتراداس کا مدد کرنے پر شکریہ ادا کیا۔
واضح رہے کہ بالی وڈ میں اداکاروں کے انسٹاگرام ہیک ہونے کا یہ سلسلہ عام ہو گیا ہے اس سے قبل گذشتہ ایک ماہ کے دوران بالی وڈ سے تعلق رکھنے والے مختلف افراد کا انسٹاگرام اکاؤنٹ ہیک ہوچکا ہے جس میں گلوکارہ آشابھوسلے، ہدایت کار و اداکارہ فرح خان، اُرمیلا ماٹونڈکر، سشمیتاسین کی بیٹی اور دیگر افراد شامل ہیں۔