لاہور:14 گھنٹے محصوررہنے کے بعد172 مسافرلے کر2پروازیں پاکستان کوچل پڑیں ،اطلاعات کے مطابق ملائیشیا میں روکے گئے بوئنگ 777 طیارے پر تعینات پاکستان انٹرنیشنل ائیرلائنز (پی آئی اے) کے فضائی عملے کو وطن واپسی کی اجازت دے دی گئی۔
ذرائع کے مطابق آج صبح ملائیشیا میں پی آئی اے کے بوئنگ 777 کوروکے جانے کےبعد یہ مسافر اورعملے کےدیگر افراد ملائیشیا میں محصور ہوکررہ گئے تھے
ملائیشیا کے قوانین کے تحت ملائیشیا میں رکنے والے فضائی عملے کو 14 دن کیلئے قرنطینہ میں رہنا ہوتا ہے، اگر پی آئی اے کے فضائی عملے کو روک لیا جاتا تو ان کیلئے بہت مشکل ہو جاتی کیوں کہ اپ ڈاؤن فلائٹ کی وجہ سے عملے کے پاس سوائے یونیفارم کے کوئی اضافی کپڑے نہیں تھے۔
اس حوالے سے ترجمان پی آئی اے نے تصدیق کی کہ مسافروں کو لانے والی خلیجی ائیرلائن پاکستانی وقت کے مطابق رات 11 بج کر 45منٹ پرروانہ ہوچکی اورپرواز کوالالمپور سے براستہ دبئی کل دوپہر اسلام آباد پہنچے گی۔
خیال رہے کہ پی آئی اے کی پرواز پی کے 894 اسلام آباد سے کوالالمپور پہنچی تھی تو اسے وہیں لیز کی عدم ادائیگی پر عدالتی حکم کے ذریعے رکوا لیا گیا۔
مسافروں کو بعد میں طیارے سے اُتاردیا گیا، پی آئی اے نے لیز پر لیے گئے طیارے کا کرایہ نہیں بھرا اور اُسی طیارے کو انٹرنیشنل فلائٹ پر ملائیشیا بھیج دیا۔
