نئی دہلی : اب تسلیم کرنے کے سواکوئی چارہ کارنہیں کہ بھارت نے پلوامہ حملے میں اپنے فوجی خود مروائے،بھارتی میڈیانے اپنی عوام کے سامنے حقائق رکھ دیئے ،ادھر اطلاعات کے مطابق بھارت کامکروہ چہرہ ایک بارپھربےنقاب ہو گیا جبکہ پلوامہ حملے پر پاکستان کا موقف سچ ثابت ہو گیا۔ پلوامہ اوربالاکوٹ حملےکی سچائی سامنےآگئی۔
تفصیلات کے مطابق پلوامہ ڈرامہ بے نقاب ہو گیا، پاکستان پلوامہ حملے کو سازش قرار دے چکا ہے، پلوامہ حملے کے شواہد سامنے آ گئے، سچ چھپانےمیں ناکام پلوامہ حملےمیں بھارت نےاپنےفوجی مروائے۔ الزام پاکستان پرلگایا۔
بھارتی وزیراعظم نریندرا مودی 40 بھارتی فوجیوں کی لاشوں پرمگرمچھ کےآنسو بہاتا رہا۔ ارنب گوسوامی کو خاتون اور اس کےبیٹےکی خودکشی پرگرفتارکیاگیا۔ بھارتی صحافی ارنب گوسوامی نے انٹیریئر ڈیزائنر کو 83 لاکھ روپے ادا کرنا تھے۔
گوسوامی نےگرفتاری کےدوران ایک خاتون افسرپرحملہ بھی کیا۔ گوسوامی پکڑا گیا تو بھارتی حکومت سرگرم ہو گئی، سپریم کورٹ نےبھی ساتھ دیا، صدربھارتی سپریم کورٹ بارگوسوامی سےترجیحی سلوک پرمستعفی ہوگئے۔
بھارتی میڈیا کے مطابق مودی سرکار کے قریبی صحافی کو پلوامہ حملے اور بالاکوٹ در اندازی کا پہلے سے علم تھا، بالاکوٹ دراندازی سے تین روز قبل بھارتی صحافی نے حملے کے بارے میں بتایا تھا، بھارتی صحافی ارنب گوسوامی کی ٹی وی رینٹنگ ایجنسی کے سی ای او کی واٹس ایپ چیٹ لیک ہوگئیں۔
بھارتی میڈیا کے مطابق ارنب گوسوامی نے 23 فروری 2019ء کو بھارتی منصوبہ بندی کے بارے میں آگاہ کردیا تھا، بھارت سرکار نے 26 فروری 2019 میں دراندازی کی جس کے بعد پاک فضائیہ نے بھارت کا طیارہ مار گرایا تھا۔
ارنب گوسوامی کی لیک ہونے والی چیٹ کے مطابق اس بار پاکستان سے متعلق کوئی بڑا اقدام اٹھایا جائے گا، اس بار سڑائیک پہلے سے بھی بڑی ہوگی۔بھارتی صحافی نے پلوامہ حملے میں 40 بھارتی فوجیوں کی موت پر خوشی کا اظہار کیا، اس حملے میں ہماری بہت بڑی جیت ہوئی ہے۔
