وزیراعلیٰ پنجاب سردار عثمان بزدار نے کہا کہ اپوزیشن کا احتجاج بے معنی ہے، پی ڈی ایم سے نہ کوئی مسئلہ ہے اور نہ ہی کوئی خطرہ ہے.
انہوں نے کہا کہ پی ڈی ایم کا ٹولہ خود انتشار کا شکار ہوچکا ہے، بدقسمتی سے یہ عناصر ملک کو عدم استحکام کی طرف لے جا کر دشمن کا ایجنڈا پورا کرنا چاہتے ہیں.
وزیر اعلیٰ پنجاب نے کہا کہ ملک و قوم کے مفادات کو زک پہنچانے والے رہبر نہیں ہیں، اپوزیشن کی جانب سے نازک حالات میں قوم کوتقسیم کرنے کی کوشش قابل مذمت ہے. انہوں نے کہا کہ اپوزیشن کو عوام کا احساس ہے، نہ ملک کی پرواہ، یہ لوگ اپنی سیاسی دکانداری چمکانے کیلئے قومی مفادات کو بھی داؤ پر لگا رہے ہیں۔
انہوں نے کہا کہ اس وقت قوم کو اتحاد، اتفاق اور بھائی چارے کی جتنی ضرورت ہے پہلے کبھی نہ تھی، موجودہ حالات میں منفی سیاست کی ذرا سی بھی گنجائش نہیں ہے، انتشار کی سیاست کرنے والوں کو جوش کی بجائے ہوش سے کام لینا چاہیے.
