انسداد دہشتگردی عدالت اسلام آباد سے توہین رسالت کے جرم میں سزائے موت پانے والے تینوں مجرمان نے اپنی سزائے موت کے خلاف اپیل، ملزمان اپیل اسلام آباد ہائیکورٹ میں دائر کر دی،مجرم عبدالوحید، رانا نعمان رفاقت اور ناصر احمد سلطانی نے بذریعہ سپرنٹینڈنٹ اڈیالہ جیل اپیل دائر کی
رجسٹرار آفس نے مذکورہ مجرمان کی سزائے موت کنفرم کرنے کے لئے انسداد دہشتگردی عدالت کی جانب سے کیپیٹل سینٹنس ریفرنس کی سماعت کے لئے بینچ تشکیل دینے کے لئے فائل چیف جسٹس کو بھیج دی ہے، چیف جسٹس اسلام آباد ہائیکورٹ انسداد دہشتگردی عدالت اسلام آباد کی جانب سے بھیجے گئے کیپیٹل سینٹنس ریفرنس اور مجرمان کی جیل اپیلوں کی آئندہ ہفتے سماعت کے لئے بنچ تشکیل دیں گے
انسداد دہشتگردی عدالت نے سوشل میڈیا پر گستاخانہ مواد کی تشہیر کے مقدمے میں تین ملزموں کو سزائے موت سنا ئی تھی ، تفصیلات کے مطابق انسداد دہشتگردی کے جج راجہ جواد عباس نے کیس کی سماعت کی اور فیصلہ سنایا ، عدالت نے ایک ملزم کو دس سال قید اور ایک لاکھ روپے جرمانے کی سزا بھی سنائی ۔ عدالت کی جانب سے چار اشتہاریوں کے دائمی وارنٹ بھی جاری کر دیئے گئے تھے ۔ عدالت نے فیصلے میں کہا کہ ملزمان پر توہین عدالت اور توہین مذہب کا الزام تھا ۔
