بالی وڈ اداکارہ پریتی زنٹا کافی عرصے سے بڑی اسکرین سے دور ہیں-
باغی ٹی وی : شادی کے بعد امریکا منتقل ہوگئی ہیں اور کافی عرصے سے بڑی سکرین سے دور ہیں اس حوالے سے ایک حالیہ انٹرویو میں پوچھے گئے سوال پرپریتی زنٹا کا کہنا تھا کہ میں بالی وڈ سے اس لیے دور ہوں کیونکہ میں خود کو ‘بیچ’ نہیں رہی، میری عادت نہیں کہ میں لوگوں سے شکوہ شکایت کروں، مجھے کسی سے بھی شکایت نہیں۔
بھارتی میڈیا رپورٹس کے مطابق پریتی زنٹاکا کہنا تھاکہ انہیں بالی وڈ سے غائب رہنے پرکوئی دکھ نہیں، وہ ذاتی تشہیرکےلیے مختلف حربے آزمانے کے بجائے اپنےکام سے جگہ بنانے پر یقین رکھتی ہیں۔
ان کا کہنا تھا کہ آپ مجھے کبھی خود پرکچھ لکھوانے کے لیے پیسہ خرچ کرتا نہیں دیکھیں گے کیونکہ میں چاہتی ہوں کہ مجھے میرے کام سے سراہا جائے میں نے کبھی اپنی میڈیا کوریج کے لیے رقم خرچ نہیں کی۔
خیال رہے کہ سن 2000ء میں شوبز میں اپنے کیرئیر کا آغاز کرنے والی پریتی زنٹا کا شمار بالی وڈ کی خوبرو اداکاراؤں میں ہوتا ہے اور آخری بار وہ طویل وقفے کے بعد 2018 میں ‘بھائی جی سپرہٹ’ نامی فلم میں دکھائی دی تھیں۔
ادکارہ انڈین پریمیئر لیگ (آئی پی ایل) میں کنگز الیون پنجاب کی شریک مالک بھی ہیں اور آئی پی ایل میچز کے دوران اسٹیڈیم میں دکھائی دیتی ہیں۔
