پنڈی ٹیسٹ میں گرین شرٹ کو کیا کرنا ہو گا، سلیم ملک نے بتایا
باغی ٹی وی : گرین شرٹ اپنے راولپنڈی ٹیسٹ میں کیسی پرفارمنس دکھائے گی اور اس کو کیا چیلنج ہو سکتے ہیں. اس بارے قومی کرکٹ ٹیم کے سابق کپتان سلیم ملک کا کہنا ہے کہ راولپنڈی ٹیسٹ میچ میں پاکستان ٹیم کو مشکل کا سامنا کرنا پڑ سکتا ہے، کراچی ٹیسٹ میں وکٹ اچھی نہیں بنائی گئی تھی۔
سابق کپتان سلیم ملک کا کہنا ہے کہ ماضی کی طرح راولپنڈی کی وکٹ ہوئی تو پاکستان ٹیم کو بہت دشواری ہو گی۔
اگلے ٹیسٹ بارے حکمت عملی کا بتاتے ہوئے انہوں نے کہا کہ پنڈی ٹیسٹ کی وکٹ اپنے فائدے کے لیے اچھی بنانا ہو گی، راولپنڈی میں جیسا موسم ہے وہاں بالروں کو سوئنگ ملے گی، بولرز تو کامیاب ہو جائیں گے لیکن بیٹسمینوں کو مشکل ہوگی۔
سلیم ملک نے کہا کہ راولپنڈی ٹیسٹ میں بیٹسمینوں پر کام کرنا پڑے گا، پاکستان ٹیم خوش قسمت تھی جو کراچی ٹیسٹ میچ جیت گئی تھی۔انہوں نے کہا کہ پہلے ٹیسٹ میچ میں جنوبی افریقا کی ایک پارٹنر شپ اور لمبی ہوتی تو پاکستان ٹیم کو مشکل ہوتی۔
پاکستان اور جنوبی افریقا کے مابین دوسرا ٹیسٹ پنڈی کرکٹ اسٹیڈیم میں 4 فروری کو ہوگا۔
خیال رہے کہ پاکستان نے دو ٹیسٹ میچوں کی سیریز کے پہلے کرکٹ میچ میں جنوبی افریقا کو سات وکٹوں سے شکست دے کر دو ٹیسٹ میچز کی سیریز میں برتری حاصل کر رکھی ہے
ٹی ٹوئنٹی سیریز کے لیے منتخب پروٹیز سکواڈ لاہور پہنچ گیا،سخت سیکورٹی،ٹریفک جام
