فلسطین کا اسرائیلی کے ساتھ تمام معاہدے ختم کرنے کا فیصلہ
فلسطینی اتھارٹی کے صدر محمود عباس نے کہا ہے کہ مقبوضہ بیت المقدس کے مزرق میں صور باھر میں اسرائیل کی طرف سے گھر گرائے جانے کے جواب میں کل سے اہم ملاقاتوں کا سلسلہ شروع کیا جائے گا۔
صدر کے ترجمان نبیل ابو ردینہ کے مطابق ان ملاقاتوں کے دوران اسرائیل کے ساتھ تعلقات اور اسکے ساتھ ہونے والے معاہدوں کے متعلق اہم فیصلہ کیاجائے گا۔
فلسطینی لبریشن آرگنائزیشن (پی ایل او) کی رام اللہ شہر میں ایک میٹنگ ہوئی جس کے بعد پارٹی کی ایگزیکٹو کمیٹی کے سیکرٹری صائب عریقات نے بتایا کہ فلسطینی قیادت نے قابض اسرائیلی ریاست کے ساتھ تمام معاہدے ختم کرنے کا فیصلہ کیا ہے۔ حکومت نے بیت المقدس میں متاثرہ خاندانوں کا مدد کرنے کے لیے تمام ضروری اقدامات کرنے کا فیصلہ کیا ہے۔
اسرائیل نے یروشلم میں فلسطینیوں کے مکان گرانا شروع کردئیے
پی ایل او کے رہنما نے عالمی عدالت انصاف سے مطالبہ کیا کہ وہ فلسطینیوں کے خلاف اسرائیلی جرائم کی فوری تحقیق کا آغاز کرے۔
یاد رہے کہ اسرائیل کی طرف سے فلسطینیوں کے گھر گرائے جانے کا سلسلہ کئی دنوں سے جاری ہے۔