شجاع آباد گورنمنٹ بوائز ڈگری کالج کے ہونہار طالب علم کا اعزاز

شجاع آباد (نمائندہ باغی ٹی وی )
گورنمنٹ بوائز ڈگری کالج کے ہونہار طالب علم صدیق خان نے بی ایس سی کے سالانہ امتحان میں 654 نمبر حاصل کر کے تحصیل بھر میں اول پوزیشن حاصل کر کے ادارے ، اساتذہ اور والدین کا نام روشن کر دیا
شجاع آباد کے دیہی علاقہ چاہ گنجے والا کے رہائشی محنت کش مزدور کا بیٹا گورنمنٹ بوائز ڈگری کالج شجاع آباد کلاس 4th ایئرکے ہونہار طالب علم محمد صدیق خان نے ستمبر سال 2020 کو ہونے والے سالانہ امتحان میں بی ایس سی ڈبل میتھ فزکس کے مضامین کے ساتھ شرکت کی اور 654 نمبر حاصل کر کے تحصیل بھر میں اول پوزیشن حاصل کر کے ادارے اور والدین کا نام روشن کیا صدیق خان نے میڈیا کو بتایا کہ تعلیمی میدان میں اس کامیابی و کامرانی میرے والدین کی دعاوں اور قابل فخر اساتذہ کی ان تھک محنتوں کا ثمر ہے یاد رہے صدیق خان تعلیم حاصل کرنے کے ساتھ ساتھ اپنے والد کا ھاتھ بٹانے کے لئے سبزی منڈی میں سبزی بیچتا ہے تاکہ گھر کے اخراجات کے ساتھ اپنے تعلیمی اخراجات کا بوجھ بھی اٹھا سکے ۔ دیہات میں رہتے ہوئے گھر میں موجود مال مویشیوں کی نگہداشت بھی صدیق خان کی روز مرہ معمولات کا حصہ ہیں محنت کش مزدور کا یہ ہونہار طالب علم بیٹا اعلی تعلیم کے حصول کے لئے پر عزم دکھائی دیتا ہے