مخالفین چیئر مین سینیٹ کے خلاف تحر یک عدم اعتماد کا نتیجہ مت بھولیں،گورنر پنجاب
باغی ٹی وی کی رپورٹ کے مطابق گورنرپنجاب سے صوبائی وزیر ہائوسنگ میاں محمودالرشید کی ملاقات ہوئی ہے
گورنر پنجاب چوہدری محمد سرور کا کہنا تھا کہ وزیر اعظم کے خلاف تحریک عدم اعتمام اپوزیشن کا نیا سیاسی شوشہ ہے۔ سیاسی مخالفین چیئر مین سینیٹ کے خلاف تحر یک عدم اعتماد کا نتیجہ مت بھولیں ۔ اپوزیشن اگر تحر یک عدم اعتماد کا شوق پوراکر نا چاہتی ہے تو شوق سے کر ے۔ عمران خان بطور وزیر اعظم اور حکومت دونوں 2023 تک قائم رہیں گے ۔
چوہدری محمدسرور کا کہنا تھا کہ سیاسی ماحول کو گرم رکھنے کیلئے پی ڈی ایم نئے نئے اعلانات کررہی ہے ۔ اب بھی وقت ہے اپوزیشن سینیٹ انتخابات میں اوپن بیلٹ کی حمایت کر دے۔ اوپن بیلٹ سے سینیٹ انتخابات میں شفافیت اور ایوان بالا کا تقدس بحال ہو گا۔ شماری سے بھی حکومتی اور اتحادی سینٹرزامیدوار کامیاب ہوں گے ۔ افواج پاکستان کو تنقید کا نشانہ بنانا ملکی اور قومی مفادات کے خلاف ہے اپوزیشن سیاست کر ے مگر قومی اداروں کو متنازعہ بنانے کی سازش نہ کر ے ۔
صوبائی وزیرمیاں محمود الرشید کا کہنا تھا کہ وزیر اعظم عمران خان کی قیادت میں تحر یک انصاف متحد ہے ۔ تحر یک انصاف کے پاس5 سال حکومت کر نے کا مینڈیٹ ہے ۔ عام انتخابات اپنے مقررہ وقت پر ہوں گے اپوزیشن ناکام ہوگی ۔
