عالمی یوم ٹورسٹ گائیڈ کے موقع پر پشاور میں تقریب کا انعقاد

پشاور:22فروری 2021 ڈائریکٹریٹ آف ٹورسٹ سروسز خیبرپختونخوااور ٹورسٹ گائیڈ کے پی کے باہمی اشتراک سے عالمی یوم ٹورسٹ گائیڈز 21 فروری کے موقع پر پشاور میں تقریب کا انعقاد کیا گیا جس میں ڈائریکٹریٹ آف ٹورسٹ سروسز خیبرپختونخوا کی جانب سے لائسنس یافتہ ٹورسٹ گائیڈ نے سوات، مردان، مانسہرہ اور پشاور سے شرکت کی جبکہ چترال کے ٹورسٹ گائیڈ کی جانب سے دیئے جانے والے پیغامات کو بھی سنایا گیا۔ اس دن منانے کا واحد موضوع ٹورسٹ گائیڈز کی تخلیقی تحریر کے ذریعے دیہی ترقی میں مددلینا اور حصہ ڈالنا تھا۔ اس موقع پر ڈائریکٹر ٹورازم سروسز محمد عربی ڈائریکٹر یٹ آف ٹورسٹ سروسز خیبرپختونخوا مہمان خصوصی تھے جنہوں نے اس دن کی مناسبت اور خیبرپختونخوا حکومت کی جانب سے صوبہ میں سیاحت کیلئے کی جانے والی خدمات پر روشنی ڈالی۔ انہوں نے کہاکہ یہ پہلی مرتبہ صوبہ میں لائسنس یافتہ ٹورسٹ گائیڈ کی جانب سے ایسا پروگرام منعقد کیا گیا ہے۔ اس موقع پر کیک بھی کاٹا گیا۔