ڈپٹی کمشنر آغا ظہیر عباس شیرازی نے مرغی کے گوشت کی قیمتوں میں اضافہ پر سخت برہمی کا اظہار کرتے ہوئے محکمہ لائیو سٹاک کے پرائس کنٹرول مجسٹریٹس کو نرخ استحکام میں لانے کے لیے فیلڈ وزٹس بڑھانے کی ہدایت کردی ہے
ڈپٹی کمشنر آ غا ظہیر عباس شیرازی کے احکامات کی روشنی میں ایڈیشنل ڈپٹی کمشنر ریونیو محمد اکرام ملک اور ایڈیشنل ڈپٹی کمشنر جنرل محمد اختر منڈھیرا کی زیر صدارت ایک اجلاس منعقد ہوا جس میں مجسٹریٹس کی کارکردگی کا تفصیلی جائزہ لیا گیا ۔
مرغی ایڈیشنل ڈپٹی کمشنر ریونیو نے اس موقع پر کہا کہ حکومت کا خصوصی فوکس عوام کو ناجائز منافع خوری سے نجات دلانا ہے پرائس کنٹرول مجسٹریٹس فیلڈ وزٹس بڑھائیں اور زائد نرخ وصو ل کرنے والے دوکانداروں کوبھاری جرمانے کیے جائیں اس موقع پر انہیں بتایا گیا کہ رواں ماہ اب تک 34 پرائس کنٹرول مجسٹریٹس نے ناجائز منافع خوری پر 259 دکانداروں کو دس لاکھ 36 ہزار چھ سو روپے کےجرمانے کئے۔
