انسٹاگرام پر نئے فیچر کی آزمائش کے دوران سامنے آنے والی خرابی ٹھیک ہو گئی
![](https://baaghitv.com/wp-content/uploads/2021/03/WhatsApp-Image-2021-03-03-at-6.27.06-PM.jpeg)
فیس بک کی زیر ملکیت ایپلیکیشن انسٹاگرام اپنے ایک نئے فیچر کی آزمائش ہی کر رہی تھی جس دوران ایپ میں خرابی دیکھنے میں آگئی-
باغی ٹی وی : وقت کے ساتھ ساتھ ایپس نئے فیچرز کی آزمائش کرتی رہتی ہیں اور کسی بھی فیچر کو دنیا بھر میں لانچ کرنے سے قبل اس کی آزمائش محدود صارفین پر ہی کی جاتی ہے۔
حال ہی میں انسٹاگرام ایپ اپنے ایک نئے فیچر کی آزمائش ہی کر رہی تھی جس دوران ایپ میں خرابی دیکھنے میں آگئی اور یہ آزمائش محدود صارفین کے بجائے بے شمار صارفین کے اکاؤنٹس میں ہونا شروع ہو گئی۔
We've been testing a new experience to hide likes on Feed posts. We unintentionally added more people to the test today, which was a bug — we’re fixing this issue and restoring like counts to those people as soon as possible.
— Instagram Comms (@InstagramComms) March 3, 2021
انسٹاگرام ایپ کی پوسٹوں پر لائیکس کی تعداد چھپانے کی آزمائش کر رہی تھی اور اس دوران خرابی کی وجہ سے متعدد صارفین کی پوسٹوں پر لائیکس کی تعداد چھپ گئی۔
بعد ازاں کمپنی کی جانب سے بیان جاری کیا گیا کہ ایسا غیر ارادی طور پر ہوا ہے جسے ہم جلد ٹھیک کرنے کی کوشش کر رہے ہیں اور جلد از جلد صارفین کو ان کی پوسٹوں کے لائیکس واپس نظر آنا شروع ہو جائیں گے۔
This issue has now been fixed. Pull down to refresh your feed and your likes should restore – thanks for your patience!
— Instagram Comms (@InstagramComms) March 3, 2021
تاہم بعد ازاں دو گھنٹوں کے مختصر وقت کے بعد کمپنی نے صارفین کو اپنے ٹوئٹ میں مطلع کیا کہ نئے فیچر میں آزمائش کے دوران ہونے والی خرابی ٹھیک ہو گئی ہے –
کمپنی نے اپنے خرابی کے دوران تعاون کرنے پر اپنے مداحوں کا شکریہ بھی ادا کیا-
خیال رہے کہ انسٹاگرام نے سال 2019 سے لائیکس کو پوشیدہ رکھنے کے فیچر کی آزمائش کا آغاز کیا تھا-