شیرجان آغا کےعرس پرپابندی عائد:جوکرےگا خلاف ورزی اس کےساتھ کیا سلوک کیا جائےگا یہ بھی بتادیا

نوشکی : شیرجان آغا کےعرس پرپابندی عائد:جوکرےگا خلاف ورزی اس کےساتھ کیا سلوک کیا جائےگا یہ بھی بتادیا ،اطلاعات کے مطابق بلوچستان کے عظیم صوفی بزرگ سید شیرجان آغا کے عرس پر پابندی کردی گئی ہے۔

حکام کی طرف سے ہدایت کی گئی ہے کہ کورونا وائرس کے پیش نظر ضلع نوشکی میں شیرجان اغا کے سالانہ عرس اس مرتبہ نہیں منایا جائے گا۔

اس حوالے سے ضلعی حکام کی طرف سے روحانی شخصیت شیرجان اغا کے عرس پر پابندی کے احکامات ضلعی انتظامیہ نے جاری کی ہے۔

یاد رہےکہ سید شیر جان آغا کا عرس ہر سال جشن نوروز کے موقع پر اکیس مارچ کو منایا جاتا ہے۔جشن منانے کا سلسلہ ساٹھ سال سے جاری ہے اور ملک بھر سے ہزاروں زائرین نوشکی کا رخ کرتے ہیں۔

اس کے ساتھ ساتھ بلوچستان کے ایک اور مشہور صوفی بزرگ حضرت رکھیل شاہ صوفی القادری کا سالانہ عرس بھی غیر معینہ مدت کے لئے ملتوی کردیا گیا ہے۔

ضلع جھل مگسی کی درگاہ فتح پور شریف میں عرس آج سے شروع ہونا تھا۔انتظامیہ کا کہنا ہے عرس ملتوی کیے جانے کی وجہ کورونا وائرس کو پھیلنے سے روکنے کے لیے ہے۔

حکام کی طرف سے وارننگ دی گئی ہے کہ جولوگ ایس او پیز کی خلاف ورزی کریں گے ان کے خلاف سخت کارروائی کی جائےگی