سردار عثمان بزدار نے قبضہ مافیا کے خلاف سرگرم: اہم اجلاس آج طلب۔

وزیراعلیٰ پنجاب سردار عثمان بزدار نے قبضہ مافیا کے خلاف کارروائی پر پیش رفت کا جائزہ لینے کیلئے آج اہم اجلاس طلب کر لیا ہے۔ اجلاس میں قبضہ گروپوں کے خلاف ہونے والی کارروائی سے وزیراعلیٰ کو آگاہ کیا جائے گا۔ اجلاس میں وزیراعلیٰ کو قبضہ مافیا سے واگزار کرائی جانے والی اراضی کے بارے میں بھی بریف کیا جائے گا۔

اجلاس میں وزیراعظم کے مشیر بیرسٹر شہزاد اکبر، معاون خصوصی برائے اطلاعات ڈاکٹر فردوس عاشق اعوان، چیف سیکرٹری، انسپکٹر جنرل پولیس، سینئر ممبر بورڈ آف ریونیو، پرنسپل سیکرٹری وزیراعلیٰ، ڈی جی ایل ڈی اے، کمشنر لاہور ڈویژن اور متعلقہ حکام بھی شریک ہوں گے۔