چئرمین سینیٹ اور ڈپٹی چئرمین سینیٹ کی عبد القیوم خان کی وفات پر اظہارِ افسوس۔

چئرمین سینیٹ محمد صادق سنجرانی اور ڈپٹی چئرمین سینیٹ مرزا محمد آفریدی کی سینیٹر ہدایت اللہ کی رہائش گاہ پر آمد ہوئی۔ چئرمین و ڈپٹی چئرمین سینیٹ نے سینیٹر ہدایت اللہ کے چچا اور باجوڑ کے سابقہ سینیٹر اور خان آف ناوگئی عبدالقیوم خان کے انتقال پر افسوس کا اظہار کیا۔ چئرمین سینیٹ محمد صادق سنجرانی اور ڈپٹی چئرمین سینیٹ مرزا محمد آفریدی کا کہنا تھا کے سابق سینیٹر عبد القیوم خان کی وفات پر دل افسردہ ہے اور مرحوم کی سیاسی اور سماجی خدمات کو ہمیشہ یاد رکھا جائے گا ہم غمزدہ خاندان کے دکھ میں برابر کے شریک ہیںانہو نے دعا کی کے اللّہ مرحوم کے درجات بلند فرمائے اور غمزدہ خاندان کو صبر جمیل عطا فرمائے۔ طوری وفد میں سینیٹرز منظور کاکڑ، نصیب اللہ بازئی، فیصل سلیم ، ذیشان خانزادہ ،احمد خان، سجاد حسین شامل تھے۔ مرحوم عبد القیوم خان سابق ایم این اے حاجی بسم اللہ خان کے بھائی ، سابقہ گورنر خیبر پختونخوا شوکت اللہ خان ،سینیٹر ہدایت اللہ اور عنایت اللہ خان کے چچا اور عظمت خان کے والد تھے۔