یوم پاکستان کے موقع پر شہریار خان آفریدی کا کہنا تھا کے وہ پوری پاکستانی قوم خصوصاً کشمیری بھائیوں اور بہنوں کو مبارکباد پیش کرتے ہیں۔ اور انہو نے بتایا کے کشمیر 1947 کی تقسیم کا نامکمل ایجنڈا ہےاور ہم کشمیر کی آزادی کیلئے ہرممکن کوشش جاری رکھیں گے۔ یوم پاکستان پر عہد کرتے ہیں کہ کشمیریوں کی ہرممکن سفارتی، اخلاقی و سیاسی مدد جاری رکھیں گے۔ آج کا دن ہمیں اس ملک کے بننے میں ہمارے بزرگوں کی دی گئی قربانیوں کی یاد دلاتا ہے۔ یہی وجہ ہے کہ ہم مقبوضہ کشمیر کے رہنے والوں پر ہونے والے بھارتی مظالم کی مذمت کرتے ہیں اور کشمیریوں کی جدوجہد آزادی کو سلام پیش کرتے ہیں۔ نظریہ پاکستان ہی قیامِ پاکستان کی بنیاد بنا، جس کے تحت مسلمان قیادت نے ہندوتوا ذہنیت کے زیر تسلط رہنے سے انکار کیا اور الگ مملکت کے قیام کیلئے جدوجہد کی۔
مقبوضہ کشمیر کے حریت پسندوں کی قربانیوں رائیگاں نہیں جائیں گی ہم کشمیری حریت پسندوں کی قربانیوں کو سلام پیش کرتے ہیں اور ہمارا ایمان ہے اہلِ مقبوضہ کشمیری بہت جلد آزاد فضاؤں میں سانس لیں گے۔ انہو نے بتایا کے بھارتی مقبوضہ کشمیر کے لوگ آج بھی پاکستان کے ساتھ مل کر یوم پاکستان منارہےہیں جس کا ثبوت یومِ پاکستان کے موقع پر مقبوضہ کشمیر میں جگہ جگہ پاکستان کی حمایت میں لگائے گئے پوسٹرز اور جھنڈے دے رہے ہیں۔
Shares:
