ماڈل کسٹمز کلکٹریٹ ائرپورٹ نے کوکین اسمگل کرنے کی کوشش ناکام بنادی

کراچی ماڈل کسٹمز کلکٹریٹ ائرپورٹ نے چار کروڑ نوے لاکھ روپے مالیت کی کوکین اسمگل کرنے کی کوشش ناکام بنادی تفصیلات کے مطابق جناح انٹرنیشنل ائرپورٹ کے آرایول ھال پر تعینات کسٹمز کے عملے نے دوران چیکنگ قطر ائرویز کی فلائٹ نمبر Qr 604 سے نائجیریا براستہ قطر کراچی پہنچنے والے دو نائجیرین مسافروں سے کسٹمز کے گرین چینل پر موجود افسران نے ان سے پوچھ گچھ کی تو مسافروں کے بیان

سے غیر مطمئن ھونےاور مسافروں کیbody language کی بنیاد پر مسافروں کے پاس موجود سامان اور مسافروں کی مکمل اور تفصیلی جانچ پڑتال کے لئے ان کو کسٹمز ایگزامینیشن کاونٹر پر بھیجا گیا جہاں سامان کی تفصیلی جانچ پڑتال اور سرچ روم میں مسافروں کی باڈی سرچ کی گئی اس دوران مسافروں کی غیر معمولی گھبراہٹ کی بنیاد پرمسافروں کے باڈی ایکسرے کا فیصلہ کیا اور ائرپورٹ کے قریب موجود ہسپتال لے جاکر مسافروں کے باڈی ایکسرے کرائے گئے جس کے نتیجہ میں دونوں مسافروں کے پیٹ میں کافی تعداد میں کیپسولز کی موجودگی کی نشاندہی ھوئی جس پر مسافروں سے اس بارے میں پوچھاگیا تو انہوں نے پیٹ کے اندر موجود کیپسولز میں کوکین ھونے کا اقرارکیا جس پر مسافروں کےخلاف کسٹمز اور نارکوٹکس ایکٹ کے تحت مقدمہ درج کر کے باضابطہ گرفتار کر لیا گیا اور مجاز عدالت سے ریمانڈ حاصل کرنے کے بعد مسافروں کے پیٹ میں موجود کوکین کے کیپسولز کو برآمد کرنے کے لئے گرفتار ملزمان کو جناح ھاسپٹل منتقل کیا گیا جہاں پر دونوں ملزمان کے پیٹ سے پلاسٹک ٹیپ میں لپٹے ھوئے(161) کیپسولز برآمد ھوئے بعد ازاں ان کیپسولز کو کھول کر کیپسولز میں موجود کوکین نکالی گئی جس کا کل وزن (2.450) دو کلو چار سو پچاس کلو گرام اور مالیت چار کروڑ نوے لاکھ روپے (4،90،00000) ھے ملزمان سے مزید تفتیش کی جاری ھے کلکٹر کسٹمز ائرپورٹ جناب عرفان الرحمان صاحب نے افسران اور عملہ کی کارکردگی کو سراہا شاباشی دی.