اسلام آباد:ہم عدالتوں کا احترام کرتے ہیں ن لیگ کی طرح فیصلہ خلاف آئے توعدالتوں پرحملے نہیں کرتے:اطلاعات کے مطابق چیئرمین پیپلزپارٹی بلاول بھٹو زرداری نے چیئرمین سینیٹ الیکشن سے متعلق عدالتی فیصلے پر ردعمل دیتے ہوئے کہا ہے کہ پیپلزپارٹی آئین کی بالادستی پریقین رکھتی ہے، پارلیمنٹ اورآئین کی بالادستی پرکوئی دوسری رائےنہیں، پیپلزپارٹی عدلیہ کی آزادی کااحترام کرتی ہے۔
بلاول بھٹو نےاس موقع پرپارٹی کے آئینی موقف کودہراتے ہوئے کہا کہ پیپلزپارٹی اگرفیصلہ خلاف آجائے توعدالتوں پرحملے نہیں کرتی ، ججوں کو بھرا بھلا نہیں کہتی پہلے بھی آئین پریقین تھا اب بھی آئین کی بالادستی کے لیے کوشاں ہیں
بلاول بھٹوزرداری نے کہا کہ پیپلزپارٹی نےماضی میں عدلیہ کی آزادی کیلئےجدوجہدکی، سینیٹ انتخابات میں پر یزائیڈنگ افسرکےذریعےالیکشن چوری کیاگیا ہماری پارٹی آئین،پارلیمان کی بالادستی میں یقین رکھتی ہے،
انہوں نے کہا کہ یوسف رضا گیلانی نےپریزائیڈنگ افسرکےفیصلےکوچیلنج کیاتھا، پریزائیڈنگ افسرنےجوفیصلہ سینیٹ کی پولنگ اسٹیشن میں دیاتھا، پریزائیڈنگ افسرنے7ووٹ نشاندہی کرتے ہوئے مسترد کیے تھے
چیئرمین پی پی نے کہا کہ بالافورم سےرجوع کرناہماراحق ہے اور بالافورم انصاف حاصل کرنے کیلئے استعمال کریں گے، آئین ہمیں پارلیمان کی کارروائی پرسوال اٹھانےسےروکتاہےلیکن یہ پارلیمانی کاروائی نہیں تھی۔
بلاول بھٹو نے کہا ہےکہ پاکستان میں ایک پارٹی نے ہمیشہ عدالتوں کو پامال کیا ہے اوراب بھی وہ یہی چاہتی ہے لیکن پی پی ایسا ہرگزتصور نہیں کرسکتی
