لاہور میں قتل کا واقع: ملزم گرفتار۔

گھریلو ناچاقی پر خاتون نے شوہر کو فائرنگ کرکے قتل کردیا یہ واقع چوہنگ کے علاقے میں پیش آیا جب حسینہ بی بی نے رات کو دوران ڈکیتی اپنے خاوند سلام دین کے قتل کا ڈرامہ رچایا جس کے نتیجہ میں چوہنگ پولیس نے چند گھنٹوں کے اندر معاملہ کی تحقیقات کرکے خاتون کو حراست میں لے لیا۔ خاتون نے اعتراف کیا کہ شوہر اکثر لڑائی جھگڑا کرتا تھا اسلیے اسے فایرنگ کرکے قتل کردیا۔ چوہنگ پولیس نے خاتون کو گرفتار کرکے فائرنگ میں استعمال ہونے والا پسٹل بھی برآمد کر لیا۔ پولیس نے مقتول سلام الدین کے بیٹے کی مدعیت میں خاتون حسینہ بی بی کے خلاف قتل کی دفعات کے تحت مقدمہ درج کر لیا ہے اور مقتول سلام الدین کی لاش کو پوسٹ مارٹم کے لیے ہسپتال منتقل کر دیا گیا۔