پنجاب میں کرونا کی تیسیری لہر، بزدار نے سخت احکامات جاری کردیئے

پنجاب میں کرونا کی تیسیری لہر، بزدار نے سخت احکامات جاری کردیئے

باغی ٹی وی کی رپورٹ کے مطابق صوبہ پنجاب میں کورونا کی تیسری لہر، وزیر اعلی پنجاب سردار عثمان بزدار نے ملتان سے ویڈیو لنک کے ذریعے اہم اجلاس کی صدارت کی

اجلاس میں پنجاب میں کورونا سے پیدا ہونے والی صورتحال اور حفاظتی اقدامات پر عملدرآمد کا جائزہ لیا گیا ،کورونا کے بڑھتے ہوئے کیسز پر گہری تشویش کا اظہار کیا گیا،وزیر اعلی عثمان بزدارنے انسداد کورونا ایس او پیز پر سختی سے عملدرآمد کی ہدایت کر دی، وزیراعلیٰ پنجاب عثمان بزدار کا کہنا تھا کہ کورونا ایس او پیز پرعملدرآمد میں کوتاہی برداشت نہیں کی جائے گی – انتظامی و پولیس افسران عوام کی زندگیوں کے تحفظ کے لئے ایس او پیز پر عملدرآمد یقینی بنائیں – عوام کی صحت کے پیش نظر تمام تر احتیاطی تدابیر اختیار کی جائیں – کورونا کی تیسری لہر خطرناک ہے،عوام کے تعاون سے ہی کورونا پر قابوپایا جا سکے گاشہری باہر نکلتے وقت ماسک لازمی پہنیں۔

جیل حکام خواتین قیدیوں کی عزتیں تارتارکرتے ہیں، پیدا ہونے والے بچوں کوقتل کردیا جاتا ہے،لاہورجیل سے خاتون قیدی کی ویڈیووائرل

سموگ کے تدارک کے لئے لاہور ہائیکورٹ نے حکومت سے کیا پوچھ لیا؟

پنجاب میں گزشتہ 24 گھنٹے میں کورونا کے2330 نئے مریض سامنے آئے -گزشتہ 24 گھنٹے کے دوران پنجاب میں کورونا کے43 مریضوں کا انتقال ہوا-پنجاب میں اب تک کورونا کے6188 مریض جاں بحق ہو چکے ہیں -پنجاب میں کورونا کے ایکٹومریضوں کی تعداد 21311 ہو چکی ہے – پنجاب میں گزشتہ 24گھنٹے کے دوران کورونا کے 16473ٹیسٹ کئے گئے پنجاب میں اب تک 3735705کورونا ٹیسٹ کئے جا چکے ہیں -وزیر اعلی عثمان بزدار کو چیف سیکرٹری نے پنجاب میں کورونا کی صورتحال اور حفاظتی اقدامات پر بریفنگ دی اجلاس میں چیف سیکرٹری، ایڈیشنل چیف سیکرٹری داخلہ، سیکرٹری سپیشلائزڈ ہیلتھ کیئر ومیڈیکل ایجوکیشن، سیکرٹری پرائمری و سکینڈری ہیلتھ، کمشنر لاہور ڈویژن اور متعلقہ حکام نے اجلاس میں ویڈیولنک کے ذریعے شرکت کی،وزیر اعلی عثمان بزدار ویڈیولنک کے ذریعے این سی او سی کے اجلاس میں بھی شریک ہوں گے